Turǵyn úı-kommýnaldyq sharýashylyǵynda otandyq taýar óndirýshilerge basymdyq beriledi
ASTANA. KAZINFORM – Energetıkalyq jáne kommýnaldyq sektordy jańǵyrtýǵa baǵyttalǵan ulttyq joba aıasynda jylý jelilerin, sý qubyrlaryn jáne elektr jelilerin jóndeý men salýda otandyq ónimderge basymdyq beriledi. Bul týraly Ulttyq ekonomıka mınıstrligi Tabıǵı monopolııalardy retteý komıtetiniń tóraǵasy Tımýr Qosymbaev málim etti.
Onyń aıtýynsha, satyp alý qyzmetine aýqymdy taldaý júrgizilgen. Nátıjesinde jalpy somasy 2,24 trln teńgege jýyq 2,8 myńǵa jýyq taýar pozıtsııasy anyqtalyp, elimizdiń ár óńirinde 660-tan astam merdiger belgilendi.
Satyp alý birneshe salaǵa bólinedi:
- jylýmen jabdyqtaý – 1 559 pozıtsııa, 1 665,4 mlrd teńge;
- sýmen jabdyqtaý – 341 pozıtsııa, 354,7 mlrd teńge;
- sý burý – 444 pozıtsııa, 128,3 mlrd teńge;
- elektrmen jabdyqtaý – 442 pozıtsııa, 91,6 mlrd teńge.
Sonymen qatar, atalǵan qajettilikti jaba alatyn 220 otandyq óndirýshilerden quralǵan pýl jasaqtaldy.
- Otandyq taýar óndirýshilerdi damytý ımportqa táýeldilikti azaıtyp qana qoımaı, qosymsha jumys oryndaryn ashýǵa, sondaı-aq bıýdjetke salyq túsimin arttyrýǵa múmkindik beredi, - dedi Tımýr Qosymbaev.
Eske sala ketsek, 2025 jylǵy 25 shildede Prezıdent kóppáterli turǵyn úılerdi basqarý júıesin jetildirýge baǵyttalǵan qujatqa qol qoıdy.
Artynsha atalǵan zań aıasynda elimizdiń energetıka jáne kommýnaldyq sektordy jańǵyrtýdyń aýqymdy josparyna sholý jasaǵan edik.