Ulttyq joba: Aýyldarda qansha densaýlyq nysany salynady
Premer-Mınıstr Álıhan Smaıylov «Aýyldyq densaýlyq saqtaýdy jańǵyrtý» ulttyq jobasyn iske asyrý máseleleri boıynsha keńes ótkizdi, dep habarlaıdy Kazinform Úkimettiń baspasóz qyzmetine silteme jasap.
Memleket basshysy Qasym-Jomart Toqaevtyń tapsyrmasyna sáıkes júzege asyrylyp jatqan Ulttyq joba aıasynda óńirlerde 655 alǵashqy medıtsınalyq-sanıtarııalyq kómek kórsetý nysanyn ashý josparlanyp otyr. Onyń ishinde 257 medıtsınalyq, 238 feldsherlik-akýsherlik pýnkt jáne 160 dárigerlik ambýlatorııa bar. Bıyl 99 nysannyń qurylysy júrgizilip jatyr. Búgingi tańda onyń 20-sy aıaqtaldy, qalǵandary boıynsha jumystar jalǵasýda.
Sonymen qatar Ulttyq jobada ınsýlt ortalyqtary, kardıologııa, jansaqtaý, ońaltý bólimderin ashý, sondaı-aq olardy zamanaýı qural-jabdyqtarmen qamtamasyz etý arqyly 32 kópsalaly ortalyq aýdandyq aýrýhanany jańǵyrtý qarastyrylǵan.
Premer-Mınıstr Qaraǵandy, Jambyl, Soltústik Qazaqstan, Qyzylorda, Qostanaı jáne basqa da birqatar oblystardyń ákimdikterine alǵashqy medıtsınalyq-sanıtarııalyq kómek kórsetýdiń jańa nysandaryn salý boıynsha jumysty jedeldetip, jyl sońyna deıin olardy paıdalanýǵa berýdi qamtamasyz etý kerektigin atap ótti.
«Ulttyq jobany iske asyrý Úkimettiń baqylaýynda. Mınıstr men óńirlerdiń ákimderi bul baǵyttaǵy jumysty kúsheıtýi qajet», — dedi Álıhan Smaıylov.
