Ulttyq jasandy ıntellekt ortalyǵy qandaı paıda bermek
Keler jyldan bastap Qazaqstanda jasandy ıntellektini keńinen qoldanatyn jáne tsıfrlyq tehnologııalardy damytýǵa negizdelgen iri ulttyq ortalyq qurylady. Buny Memleket basshysy Qazaqstan halqyna Joldaýynda aıtqan bolatyn. Endigi másele – ortalyq qurylǵan jaǵdaıda elimizge qandaı artyqshylyqtar berýi múmkin? Kazinform tilshisi osy saýaldy halyqaralyq jobalarda tájirıbeli IT maman Talǵat Bekqalıevke qoıyp kórdi.
Jasandy ıntellektiniń keleshegine qatysty boljamdar jeterlik. Tipti, ótken aptada Astanada Orta derjavalar taqyrybyna arnalǵan ekikúndik halyqaralyq forýmda Erekshe tapsyrmalar jónindegi qazaqstandyq elshi Asqar Tájıev «keleshekte jasandy ıntellekt te ózinshe bir derjavaǵa aınalyp, barlyq salaǵa dendep enedi» degen tosyn pikirin aıtqan bolatyn. Jalpy, keıingi jyldary elimiz osy salaǵa kóbirek kóńil bólip jatqany ańǵarylady.
– Eger ulttyq ortalyq qurylsa, birneshe mańyzdy jumystar atqarmaq. Birinshiden, jasandy ıntellekt salasyndaǵy otandyq jáne halyqaralyq talanttardy qyzmetke alyp, ınvestıtsııa tartýǵa kómektesedi. Ekinshiden, ár túrli sektorlarda jasandy ıntellekttiń engizilýi ekonomıkalyq ósimge yqpal etpeı qoımaıdy. ıAǵnı, eldiń ál-aýqatyn kóterýge septesedi. Úshinshiden, zertteýshilerdi, kásipkerlerdi jáne ónerkásip mamandaryn bir jerge jınaý arqyly akademııalyq zertteýler jasalyp, jasandy ıntellektini praktıka júzinde qoldana bastaımyz, – dedi Talǵat Bekqalıev.
Buǵan qosa, mamannyń aıtýynsha, ortalyqtyń tıimdi jumys isteýi úshin jaýapkershilik kerek.
– Meniń oıymsha, bul bastama elimizdiń jahandyq jasandy ıntellekt salasyndaǵy pozıtsııasyn jaqsarta alady, buǵan potentsıalymyz jetkilikti. Alaıda onyń tabysty jumys isteýi úshin tıimdi basqaryp, bilikti kadrlardy tartyp, olardy ustap tura alýymyz qajet, – dep túıindedi ol.
Ulttyq ortalyq 2025 jyly Astanada qurylmaq. Oqýshylardan bastap, stýdentterge, ǵalymdar men kásipkerlerge árdaıym ashyq bolatyny aıtylǵan. Sondaı-aq ortalyq tsıfrlyq aktıvter men maınıngti zańmen retteýge, krıptobırjalardy odan ári damytý isine úles qosady.
