Ulttyq jáne Ortalyq memlekettik arhıvterge «ulttyq» mártebe berilmek
ASTANA. KAZINFORM – Ulttyq arhıv pen Ortalyq memlekettik arhıvke «ulttyq» mártebe berilmek. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.
- Úkimettiń zań jobalaý jumystarynyń josparyna sáıkes «Qazaqstan Respýblıkasynyń keıbir zańnamalyq aktilerine arhıv isi máseleleri boıynsha ózgerister men tolyqtyrýlar engizý týraly» zań jobasyna ózgerister engizý jumystary júrgizilýde. Onyń aıasynda Ulttyq arhıvi men Ortalyq memlekettik arhıvterge «ulttyq» mártebe berý boıynsha depýtattardyń bastamasymen ázirlengen túzetýler Úkimette pysyqtalýda. Aldaǵy ýaqytta Úkimet qorytyndysy zańnamada belgilengen tártippen joldanatyn bolady, - dedi Úkimet basshysy jaýabynda.
Premer-mınıstr dereginshe, respýblıka boıynsha arhıv qyzmetkerleriniń ortasha jalaqysy 2024 jyly 201 622 teńgeni (2021 jyly 127 929 teńge, 2022 jyly 149 905 teńge, 2023 jyly 193 117 teńge) qurady.
- Bıyl qańtarda arhıvshilerdiń jalaqysy 17 paıyzǵa (ortasha jalaqy 260 999, eń tómengi jalaqy 191 939 teńge boldy) ósti. Ekologııalyq apat aımaǵynda, aýyldyq jerlerde turý bóliginde kózdelgen qosymsha aqylar jáne erekshe eńbek jaǵdaılary úshin qosymsha aqylar tólenedi, - dedi Oljas Bektenov.
Buǵan deıin elimizdegi arhıv qujattardyń 25 paıyzy elektrondyq formatqa kóshirilgenin jazǵan edik.