Elordada ulttyq jáne dinı alaýyzdyqty qozdyrǵan 11 azamat sottaldy

ASTANA. KAZINFORM — 2025 jyldyń aǵymdaǵy kezeńinde ulttyq jáne dinı arazdyqty qozdyrý faktisi boıynsha 11 adam sottalyp ketti, dep habarlaıdy Astana qalasy prokýratýrasynyń baspasóz qyzmeti.

Vedomstvo málimetinshe, elorda turǵyny TikTok áleýmettik jelisinde, tikeleı efırde ádepsiz sózderdi qoldanyp, basqa ultqa qatysty burys pikir bildirip, sol arqyly ulttyq negizde janjal týdyrǵan.

— Bul áreketter Qazaqstan Respýblıkasy qylmystyq zańnamasy talaptaryna qarama-qaıshy bolyp keledi. Memlekettik aıyptaýshylarmen sottalýshylardyń kinási tolyq dáleldengen, nátıjesinde olardyń barlyǵyna ártúrli merzimge bas bostandyǵynan aıyrý jazasy taǵaıyndalǵan. 11 tulǵaǵa qatysty sot aktileri zańdy kúshine endi, — delingen prokýratýra habarlamasynda.

Qala prokýratýrasy arandatýshylyqqa boı aldyrmaýǵa, túrli ult pen din ókilderiniń arasyna arazdyq týdyratyn sózder men áreketterge jol bermeýge nazar aýdarady, áleýmettik, ulttyq, rýlyq, násildik, taptyq nemese dinı arazdyqty qozdyrǵany úshin qylmystyq jaýaptylyqtyń qarastyrylǵanyn, 20 jylǵa deıin bas bostandyǵynan aıyrý túrinde jaza kózdelgenin eske salady.

Buǵan deıin Qyzylorda oblysynda alaýyzdyq týdyratyn jazba taratqan turǵyn sottalǵany anyqtaldy.