«Ulttyq jáne at sporty túrleri ortalyǵynyń» jańa dırektory taǵaıyndaldy
ASTANA. KAZINFORM – Týrızm jáne sport mınıstrligi Sport jáne dene shynyqtyrý isteri komıtetine qarasty «Ulttyq jáne at sporty túrleri ortalyǵy» dırektory laýazymyna Pazylbek Qaırat taǵaıyndaldy. Bul týraly Týrızm jáne sport mınıstrliginiń baspasóz qyzmeti habarlady.
Buǵan deıin ol qazaq kúresi boıynsha aǵa jattyqtyrýshy qyzmetin atqarǵan.
Pazylbek Qaırat qazaq kúresinen Qazaqstan Respýblıkasynyń sport sheberi, ulttyq sanattaǵy tóreshi, qazaq kúresinen tóreshiler alqasynyń tóraǵasy, sondaı-aq «Qazaqstan Barysy» respýblıkalyq týrnıriniń bas tóreshisi bolǵan.
Sondaı-aq ol «Dene shynyqtyrý jáne sportty damytýǵa sińirgen eńbegi úshin» tósbelgisimen (2023 j.) jáne «Eren eńbegi úshin» tósbelgisimen (2024 j.) marapattalǵan.
Aıta ketelik búgin Týrızm jáne sport mınıstri Erbol Myrzabosynov Halyqaralyq aýyr atletıka federatsııasynyń (IWF) prezıdenti Muhammed Hasan Djalýd ál-Shammarı jáne Azııa aýyr atletıka federatsııasynyń tehnıkalyq komıteti tóraıymy Olga Solovevamen kezdesken edi.