Ulttyq valıýtaǵa 30 jyl: banknotalardyń jańa serııasy tanystyryldy
Qazaqstan qarjygerleriniń XI kongresinde ulttyq valıýta banknotalarynyń jańa serııasy tanystyryldy, dep habarlaıdy Kazinform.
Qazaqstan Ulttyq bankiniń banknotalar men monetalar dızaıny basqarmasynyń bas dızaıneri Sanjar Nurqasymovtyń aıtýynsha, jańa banktonttar «Saq stıli» elementterine negizdelgen jáne kóshpendilerdiń biregeı mádenıetinen bastap búgingi Qazaqstanǵa deıingi el murasyn beıneleıdi.
«Jańa banknotalar serııasy daıyn bolǵan kezde aınalymǵa enedi. Nomınaly 5 000 teńgelik jańa dızaın úlgisindegi alǵashqy banknotalar osy jyldyń sońyna deıin qoldanysqa shyǵady. Halyqaralyq tájirıbege sáıkes, banknotalardyń dızaıny jalǵan aqsha jasaýǵa jol bermeý jáne onyń aldyn alý úshin jetildirilgen qorǵanysh qabiletin engizý maqsatynda kezeń-kezeńimen jańartylyp otyrady. Bul oraıda elimizdiń mádenı qundylyqtary men tarıhyn nasıhattaý mańyzdy sanalady»,- dedi ol.
Aıtýynsha, jańa banknotalar tólemniń barlyq túri boıynsha Qazaqstan Respýblıkasynyń búkil aýmaǵynda nomınaldy qunyna qaraı qabyldaýǵa jatady.
«Eski jáne jańa úlgidegi banknotalar aınalymda qatar júretin bolady»,- dep túsindirdi Sanjar Nurqasymov.
