Ulttyq ulannyń jańa áskerı bólimi quryldy

ASTANA. KAZINFORM – Ulttyq ulanynyń «5575 áskerı bólimin» qurý týraly Úkimet qaýlysynyń jobasy kópshilik talqylaýyna shyǵaryldy.

- Ulytaý oblysynyń Jezqazǵan qalasynda ornalasatyn Qazaqstan Respýblıkasy Ulttyq ulanynyń «5575 áskerı bólimi» respýblıkalyq memlekettik mekemesi qurylsyn, - dep jazylǵan qujatta.

Bul bólim 1 qańtardan bastap Jezqazǵan kóshelerinde jumysqa kiriskeni aıtylǵan.

- Úkimettiń 2025 jylǵy 9 qańtardaǵy № 5 qbp qaýlysymen 2025 jylǵy 1 qańtardan bastap Jezqazǵan jáne Túrkistan qalalarynda áskerı bólim quqyǵyndaǵy jedel maqsattaǵy batalondar qurý úshin qosymsha shtat sany bólindi, - delingen túsindirme jazbada.

Buǵan deıin Astanada Ulttyq ulan 700-ge jýyq jas sarbazben tolyqqany habarlanǵan edi.