Ulttyq ulannyń áskerı qyzmetshisi sambodan Azııa chempıonatynda altyn aldy
TAShKENT. KAZINFORM – Tashkent qalasynda sambo sheberleri arasynda Azııa chempıonaty ótti. Bedeldi týrnırge qurlyqtyń myqty sportshylary, onyń ishinde Qazaqstan Respýblıkasy ІІM Ulttyq ulanynyń ókilderi qatysty, dep habarlaıdy Polisia.kz.
64 kelige deıingi salmaq dárejesinde QR ІІM Ulttyq ulanynyń 6505 áskerı bóliminiń áskerı qyzmetshisi, qatardaǵy Erjan Qońyrov altyn medal jeńip alyp, tuǵyrdyń eń bıik satysynan kórindi.
— Men ishki ister mınıstrine, Ulttyq ulannyń Bas qolbasshysy Ańsaǵan Baltabekovke, Bas qolbasshylyqtyń dene shynyqtyrý jáne sport bóliminiń bastyǵy Satjan Ábishevke jáne meni qoldaǵandardyń barlyǵyna alǵysymdy bildiremin. Bul jeńis – komandalyq jumystyń, bizdiń qolbasshylarymyzdyń senimi men qoldaýynyń nátıjesi, - dep atap ótti marapattaý rásiminen keıin Erjan Qońyrov.
Erjan Qońyrovtyń sportpen shuǵyldanýyna klassıkalyq kúresten sport sheberi Qaıyrjan Qońyruly túrtki bolǵan. Ol ákesiniń izimen samboǵa 20 jyldan astam ýaqytyn arnady jáne osy ýaqyt ishinde keremet nátıjelerge qol jetkizdi.
Erjan — sambodan sport sheberleri arasynda 2022 jylǵy Qazaqstan chempıony. 2023 jyly el birinshiliginde úshinshi orynǵa ıe bolǵan. Al 2024 jyly tuǵyrdyń eń bıik satysyna kóterildi. Sondaı-aq onyń enshisinde 2023 jylǵy Azııa chempıonatynyń kúmis júldesi men 2024 jylǵy Azııa birinshiliginiń qola medali bar. Sambodan basqa, ol dzıýdoda da baǵyn synap kórgen.
Eske sala keteıik, buǵan deıin qazaqstandyq dzıýdoshylardyń Azııa chempıonatyna attanǵanyn habarlaǵan edik.