Ulttyq ulannyń áskerı qyzmetshisi Qazaqstan kýbogynyń jeńimpazy atandy
ASTANA. KAZINFORM – QR ІІM Ulttyq ulanynyń áskerı qyzmetshisi qoıan-qoltyq urystan Qazaqstan kýbogynyń jeńimpazy boldy.
Aqmola oblysynyń Şýchınsk qalasynda eresekter arasynda qoıan-qoltyq urystan Qazaqstan kýbogy ótti. Jarysqa dene shynyqtyrýdyń, jekpe-jek tehnıkasynyń jáne tózimdiliktiń joǵary deńgeıin kórsetken myqty sportshylar qatysty.
ІІM Ulttyq ulany Burkit Team sport komandasynyń ókili, 6654 áskerı bóliminiń ofıtseri, kapıtan Qymbat Ahmet sátti óner kórsetti. Jarys qorytyndysy boıynsha ol birden eki pán boıynsha birinshi orynǵa ıe boldy.
Dodanyń jekpe-jek bóliminde 53 kelige deıingi salmaq dárejesinde kapıtan Qymbat Ahmet Qazaqstan kýbogynyń jeńimpazy atandy. Sonymen qatar sportshy 50 kelige deıingi salmaq dárejesinde «Ózin-ózi qorǵaý» bóliminde de jeńiske jetti.
Áskerı qyzmetshiniń joǵary nátıjesi quqyqtyq tártip áskeri jaýyngerleriniń kásibı daıarlyǵyn aıqyn rastady.
Ulttyq ulan áskerı qyzmetshisi órtenip jatqan úıge kirip, eki balany qutqaryp qalǵanyn jazǵan edik.
