Ulttyq ulannyń 3 myń sarbazy tasqyn aımaǵynda kómektesip júr
ASTANA. KAZINFORM — Ulttyq ulannyń 3 myńnan astam áskerı qyzmetshisi qosymsha kúsh retinde sý tasqyny bolyp jatqan Qazaqstannyń batysy men soltústiginde belsendi kómek kórsetip jatyr.
Búginde tabıǵı apattyń saldarynan elimizdiń kóptegen aımaǵy sý astynda qaldy jáne jergilikti halyqqa qaýip tónip tur.
Qazirgi sátte qaýipti aımaqtardan adamdardy ýaqytyly evakýatsııalaý jáne sý tasqynynan zardap shekken azamattarǵa qajetti kómek kórsetý basty mindet bolyp qala beredi.
Batys Qazaqstan jáne Atyraý oblystarynda sý basý qaýpi óte joǵary. Alaıda, úlken apattyń aldyn alý úshin ulandyqtar baryn salady. Olar sý basqan aýdandardyń turǵyndaryn evakýatsııalaýmen belsendi shuǵyldanyp, turǵyn alaptarda qum salynǵan qaptardan bóget turǵyzyp jatyr. Máselen, Batys Qazaqstan oblysynyń eldi mekenderinen turǵyndardy evakýatsııalaý barysynda Ulttyq ulanynyń 5517 áskerı bóliminiń áskerı qyzmetshisi Máýlen Marlenov sý ortasynda qalǵan adamdardy der kezinde qutqardy. Ol sý tasqynynyń ortasynda turyp qalǵan júk kóliginen 30 adamdy shyǵaryp, qaýipsiz aımaqqa evakýatsııalady.
Jalpy, Ulttyq ulan jaýyngerleri Qazaqstandaǵy sý tasqynyna qarsy is-sharalardyń alǵashqy kúnderinen bastap kómekke jumyldyryldy. Úsh myńnan astam ofıtser men serjanttar, kýrsanttar men sarbazdar halyq arasynan tabyldy.
Budan bólek, ulandyqtar tabıǵı apat aımaqtarynan azamattardy evakýatsııalaýǵa belsendi qatysyp jatyr. Bilgilengen núktelerge gýmanıtarlyq kómek jetkizedi, tonaýǵa jol bermeý maqsatynda polıtsııa qyzmetkerlerimen birlesip quqyqtyq tártipti qamtamasyz etedi, sý tasqynymen qamtylǵan kóshelerdi patrýldeıdi, jaǵalaýdy nyǵaıtý jumystaryn júrgizedi, sý arnasyn burýdy jáne kanaldardy tazartýdy júzege asyrady.
Oral qalasyndaǵy Ulttyq ulannyń jergilikti polkine 300 adamnan turatyn Shymkent jedel brıgadasynyń jeke quramy jáne Qyzylordadan 200 sarbaz kómekke keldi. Kelgen quqyqtyq tártip saqshylary jaǵalaýdy nyǵaıtý jumystaryna bilek sybana kiristi. ıÝnnatov, Zachagansk, Starıchkı aýdandarynda, sondaı-aq Krýglozernyı kentinde qum toltyrylǵan qapshyqtardy daıyndaýǵa jáne jaǵalaýǵa tóseýge kómektesedi. Sondaı-aq qala ishinde patrýldik-bekettik qyzmet atqarady.
Atyraý oblysynda da sý tasqyny jaǵdaıy kúrdeli bolyp tur. 5546 áskerı bóliminiń 120-dan astam sarbazy polıtsııa qyzmetkerlerimen birlesip Qulsary qalasynyń kóshelerinde ıesiz úılerdegi dúnıe-múlikti tonaýǵa jol bermeý boıynsha qyzmet atqaryp júr, sondaı-aq jeke quramnyń bir bóligi gýmanıtarlyq júkti túsirýge jáne jaǵalaýdy nyǵaıtý jumystaryna tartyldy. Olarǵa Qaraǵandy qalasynda ornalasqan 5451 áskerı bóliminen 500 jaýynger kómekke keldi.
Aqtóbe men Qostanaıda sý tasqynyna qarsy is-sharalar men qoǵamdyq tártipti qorǵaý úshin jeke quramdy tartý jalǵasyp jatyr. Jergilikti 6655 jáne 6697 áskerı bólimderІ osy maqsattar úshin 400-den astam áskerı qyzmetshi bóldi.
Qazaqstannyń soltústik óńirindegi jaǵdaı da — eń ózekti máseleniń biri. Petropavlǵa quqyqtyq tártip áskeri akademııasynyń 400 kýrsantyna jáne jergilikti Ulttyq ulan polkiniń 200 sarbazyna kómekke astanalyq sarbazdar keldi. Olar tonaýǵa jol bermeý úshin Soltústik Qazaqstan oblysynyń sý basqan eldi mekenderiniń kóshelerinde qoǵamdyq tártipti saqtaýǵa kiristi. Sý tasqyny bastalǵannan beri Ulttyq ulannyń 3000-nan astam jaýyngeri, 125 áýe jáne avtomobıl tehnıkasy iske aralasty. 1644 adam evakýatsııalandy, ınertti materıaldary bar 462 myń qapshyq daıyndalyp, tıisti jerlerge tóseldi jáne 110 tonna gýmanıtarlyq kómek jetkizildi.
