Ulttyq ulanynyń ofıtseri Qyzylordadaǵy kóp qabatty úılerdiń birinde órttiń aldyn aldy

QYZYLORDA. KAZINFORM – Qyzylordada QR ІІM Ulttyq ulanynyń 5547 áskerı bóliminiń áskerı jasaqtar boıynsha kezekshisi kapıtan Abaı Jandar qyzmet atqarý barysynda qyraǵylyq pen jedeldik tanytyp, kópqabatty úıdegi órt saldarynan bolýy múmkin qaıǵyly jaǵdaıdyń aldyn aldy.

Áskerı jasaqtardy tekserý barysynda ol kópqabatty úılerdiń biriniń jertólesinde órt shyqqanyn baıqaǵan.

— Jaǵdaıdy baǵalap, tez arada órt sóndirý qyzmetine qońyraý shalyp, turǵyndardy syrtqa shyǵara bastadym. Kishi serjant Sergeı Obraztsov pen qatardaǵy jaýynger Damır Bısenbaevtyń kómegimen úıdi qorshaýdy uıymdastyrdyq. Basqa áskerı qyzmetshiler turǵyndardy órt aýmaǵynan qaýipsiz qashyqtyqqa aparyp, qaýipsizdikterin qamtamasyz etti, - deıdi kapıtan Abaı Jandar.

Oqıǵa ornyna kelgen órt sóndirýshiler tilsiz jaýdy oıdaǵydaı sóndirip, syn saǵattaǵy jedel ári kásibı is-qımyldary úshin ulandyqtarǵa alǵys bildirdi.

QR ІІM Ulttyq ulany áskerı qyzmetshileri men órt sóndirý mamandarynyń úılesimdi jumysynyń nátıjesinde zardaptar men zalaldarǵa jol berilmedi. Úı turǵyndarynyń aıtýynsha, kapıtan Abaı Jandardyń jáne onyń qaramaǵyndaǵy sarbazdardyń áreketteri úreı týdyrmaı, evakýatsııa kezinde tártipti qamtamasyz etti.

— Biz Ulttyq ulan jaýyngerleriniń qaısarlyǵy men jedel kómekteri úshin rızashylyǵymyzdy bildiremiz. Olardyń kásibıliginiń arqasynda bizdiń ómirimiz aman qaldy, - deıdi úı turǵyndarynyń biri.

Órttiń shyǵý jaǵdaılary anyqtalýda.

Buǵan deıin Petropavldaǵy «Jastar» stadıonynda jabyq kort órtendi.