Ulttyq ulanda barlyq áskerı qyzmetshiniń jalaqysy bir ýaqytta tólenetin boldy
ASTANA. KAZINFORM — QR ІІM Ulttyq ulanynyń Bas qolbasshylyǵynda Biryńǵaı esep aıyrysý ortalyǵy (BEO) óz jumysyn bastady.
Vedomstvonyń baspasóz qyzmetiniń málimetinshe, ortalyqtyń qurylýy qarjylyq júıeni jetildirýge jáne tsıfrlandyrýǵa baǵyttalǵan. Buǵan deıin áskerı qyzmetshilerge aqshalaı úles, qyzmetshilerge eńbekaqy jáne ózge de tólemderdi esepteýmen áskerı bólimderdiń qarjy qyzmetteri aınalysyp keldi. Endi bul mindetter júıelenip, ortalyqtandyryldy.
— Ortalyqtyń basty mindeti — jeke quramǵa tólemderdiń dál ári ýaqytyly júrgizilýin qamtamasyz etý. Biryńǵaı júıe qujattardy óńdeý merzimin qysqartýǵa, qatelikterdiń oryn alý yqtımaldyǵyn tómendetýge jáne qarjylyq esepteýlerdiń ashyqtyǵyn arttyrýǵa múmkindik beredi. BEO jumysynyń negizgi nátıjeleriniń biri — tólemderdi bir mezgilde júrgizý júıesi. Endi Qazaqstannyń barlyq óńirindegi Ulttyq ulan áskerı qyzmetshileri aqshalaı úlesterin bir ýaqytta alady, — deıdi jaýapty mamandar.
Sonymen qatar, BEO áskerı bólimderdegi qarjylyq úderisterdi birizdendirýge jáne zańnamadaǵy ózgeristerdi jedel eskerýge múmkindik beredi. Biryńǵaı esep aıyrysý ortalyǵynyń iske qosylýy basqarý júıesin jańǵyrtý jáne qarjylyq qyzmetti uıymdastyrýǵa zamanaýı tásilderdi engizý baǵytyna saı keledi. Bul óz kezeginde quqyqtyq tártip áskerleriniń jeke quramyn qamtamasyz etý sapasyn arttyrýǵa yqpal etedi.
Buǵan deıin sán álemin moıyndatqan jigit Ulttyq ulanda qyzmet etip júrgeni týraly jazǵanbyz.
