Ulttyq ulanda kadrlyq aýys-túıis boldy
ASTANA. KAZINFORM — Qazaqstan Respýblıkasy Prezıdenti Ákimshiliginiń kelisimimen jáne Іshki ister mınıstriniń buıryǵyna sáıkes QR ІІM Ulttyq ulanynda kadrlyq taǵaıyndaýlar júzege asyryldy.
Ulttyq ulan Bas qolbasshysynyń orynbasary, sondaı-aq «Ortalyq» jáne «Batys» óńirlik qolbasshylyqtarynyń jańa qolbasshylary taǵaıyndaldy. Іshki ister mınıstri Erjan Sádenovtiń tapsyrmasy boıynsha jańa basshylardy jeke quramǵa Іshki ister mınıstriniń orynbasary – Ulttyq ulannyń Bas qolbasshysy general-maıor Ańsaǵan Baltabekov tanystyrdy. Ulttyq ulan Bas qolbasshysynyń orynbasary laýazymyna general-maıor Bekaıdar Qazkeev taǵaıyndaldy.
Ańsaǵan Baltabekov ІІM Ulttyq ulany júıesinde 1991 jyldan beri qyzmet atqaryp keledi. Qyzmet jolynda túrli laýazymdardy abyroımen atqarǵan tájirıbeli ofıtser. «Jaýyngerlik erligi úshin» medalimen marapattalǵan. 2023 jyldan bastap osy ýaqytqa deıin Ulttyq ulannyń «Batys» óńirlik qolbasshylyǵynyń qolbasshysy qyzmetin atqarǵan.
«Ortalyq» óńirlik qolbasshylyǵynyń qolbasshysy bolyp polkovnık Nurlan Muhamedov taǵaıyndaldy.
Nurlan Muhamedov ІІM Ulttyq ulany júıesinde 1996 jyldan beri áskerı qyzmet atqaryp keledi. Ár jyldary túrli basshylyq laýazymdardy atqaryp, mol qolbasshylyq jáne jedel basqarý tájirıbesin jınaqtaǵan. ІІ dárejeli «Aıbyn» ordenimen jáne birqatar medaldarmen marapattalǵan. 2021 jyldan osy ýaqytqa deıin Ulttyq ulan Bas qolbasshylyǵynyń Jaýyngerlik daıyndyq Bas basqarmasyn basqarǵan.
«Batys» óńirlik qolbasshylyǵynyń qolbasshysy bolyp polkovnık Narıman Akbarov taǵaıyndaldy.
Narıman Akbarov ІІM Ulttyq ulany júıesinde 1994 jyldan beri qyzmet etedi. Qyzmet barysynda túrli jaýapty laýazymdardy atqaryp, bilikti ári kásibı basshy retinde ózin kórsetti. ІІ dárejeli «Aıbyn» ordenimen jáne birqatar nagradalarmen marapattalǵan. 2022 jyldan osy ýaqytqa deıin «Batys» óńirlik qolbasshylyǵy qolbasshysynyń birinshi orynbasary – shtab bastyǵy qyzmetin atqarǵan.
Taǵaıyndaý kezinde ofıtserlerdiń kásibı tájirıbesi, joǵary daıarlyq deńgeıi men áskerı qyzmettegi eńbegi eskerildi. Jańa basshylardy tanystyrý barysynda olarǵa qyzmettik-jaýyngerlik is-áreketti odan ári nyǵaıtý, jaýyngerlik ázirlikti arttyrý jáne quqyqtyq tártip áskerlerine júktelgen mindetterdi tıimdi oryndaý baǵytynda naqty mindetter qoıyldy.
Buǵan deıin munaı óndirý jáne ıgerý departamentiniń dırektory aýysqanyn jazdyq.