Ulttyq ulanda áskerı polıtsııanyń jedel jelisi iske qosyldy
ASTANA. KAZINFORM — «Tsıfrlyq profılaktıka» vedomstvoaralyq baǵdarlamasy aıasynda Ulttyq ulan Bas qolbasshysynyń tapsyrmasy boıynsha áskerı polıtsııa jedel jeli telefonyn iske qosty.
Ulttyq ulannyń baspasóz qyzmeti málim etkendeı, jobanyń negizgi maqsaty — Ulttyq ulannyń áskerı qyzmetshilerinen, azamattyq personalynan jáne azamattardan ótinishterdi jedel jáne táýlik boıy qabyldaýdy qamtamasyz etý.
Senim telefonyna habarlasýǵa arnalǵan baılanys nómirleri: +7 708 703 36 36 jáne +7 (7172) 27 36 36. Aqparatty telefon qońyraýy nemese SMS habarlama arqyly berýge bolady.
— Barlyq kelip túsken ótinish tsıfrlyq esepke alý jýrnalynda tirkeledi, bul olardy qaraýdyń ashyqtyǵyn jáne qabyldanǵan sheshimderdiń oryndalýyn baqylaýdy qamtamasyz etedi. Jedel jelini engizý quqyq buzýshylyqtardy ýaqtyly anyqtaýǵa, áskerı tártipti nyǵaıtýǵa, profılaktıkalyq jumystyń tıimdiligin arttyrýǵa jáne áskerı qyzmetshiler men azamattardyń quqyqtary men zańdy múddelerin qorǵaýǵa yqpal etedi dep kútiledi, — delingen habarlamada.
Jedel jelini iske qosý Ulttyq ulannyń qyzmetine tsıfrlyq tehnologııalardy engizýdiń kezekti kezeńi boldy, ol den qoıýdyń jedeldigin arttyrýǵa jáne zańdylyq pen quqyqtyq tártipti nyǵaıtýǵa baǵyttalǵan.
Buǵan deıin ulandyqtar balalaryn qalaı tárbıeletinin jazǵanbyz.
