Ulttyq ulan jaýyngeri álem birinshiliginde top jardy

ASTANA. KAZINFORM – Qyrǵyzstannyń Cholpon-ata qalasynda eresekter men jastar arasynda gir kóterý sportynan álem birinshiligi ótkizildi. QR ІІM Ulttyq ulan jaýyngeri jarysta úshinshi oryndy jeńip aldy. Bul týraly Elorda.info. jazdy.

Atalmysh jarysqa álemniń 18 memleketinen 500-den astam sportshy qatysty. Qazaqstan Respýblıkasy Ulttyq ulany «Ortalyq» óńirlik qolbasshylyǵyna qarasty áskerı bólim qyzmetkeri Arman Júnisov álem birinshiliginde óz kúshin synap qaıtty.

Eresekter arasyndaǵy 63 salmaq dárejesinde baq synasqan ulandyq jaýynger saıys qorytyndysy boıynsha 32 kelilik girdi 88 ret kóterip, jarys qorytyndysy boıynsha júldeli úshinshi oryndy ıelendi.

Saıys qorytyndysy boıynsha jeńimpaz atanǵan sportshylarǵa arnaıy madaqtamalar men syılyqtar tabystaldy.