Ulttyq ulan túzeý mekemelerinde 2000-ǵa jýyq uıaly telefondy tárkiledi
ASTANA. KAZINFORM – Ulttyq ulan túzeý mekemeleriniń qyzmetkerlerimen birlesip, tintý is-sharalary barysynda 2000-ǵa jýyq uıaly telefondardy tárkiledi. Bul qurylǵylardyń edáýir bóligi uıaly telefondardy paıdalanýǵa tyıym salynǵan jerlerde tárkilendi. Bul týraly áskerı vedomstvonyń baspasóz qyzmeti málim etti.
QR ІІM Ulttyq ulanynyń negizgi mindetteriniń biri qylmystyq-atqarý júıesiniń mekemelerinde ustalatyn adamdardyń, sondaı-aq olardyń aýmaǵyndaǵy azamattardyń minez-qulqyn baqylaýdy jáne qadaǵalaýdy júzege asyrý jáne olardy aıdaýyldaýmen alyp júrý.
2024 jyly Ulttyq ulan áskerı qyzmetshileri joǵary kásibı deńgeıin kórsetip, osy baǵytta aıtarlyqtaı nátıjelerge qol jetkizdi.
— Túzeý mekemelerinde quqyqtyq tártipti jáne qaýipsizdikti qamtamasyz etý úshin Ulttyq ulannyń baqylaýshy quramy áskerı qyzmetshileriniń mindetteri asa mańyzdy. Olardyń qyzmeti jaýapkershiliktiń joǵary deńgeıin jáne kúrdeli ári qaýipti jaǵdaılarda mindetterdi oryndaýǵa ázirlikti talap etedi. Osylaısha, olar túzeý mekemeleriniń qyzmetkerlerimen birlesip, tintý is-sharalary barysynda 2000-ǵa jýyq uıaly telefondardy tárkiledi. Bul qurylǵylardyń edáýir bóligi uıaly telefondardy paıdalanýǵa tyıym salynǵan jerlerde tárkilendi, bul túzeý mekemelerinde kúzet pen tártipti qamtamasyz etý jónindegi keshendi jumystyń nátıjesi ekeni sózsiz. Budan basqa áskerı qyzmetshiler qyzmet atqarý kezinde 839 sım-karta, jalpy salmaǵy 2794,14 gramm esirtki, quramynda spırti bar 253,7 lıtr suıyqtyq tárkiledi, — delingen habarlamada.
Al jyl boıy QR ІІM Ulttyq ulanynyń aıdaýyldy qamtamasyz etetin áskerı qyzmetshileri sottalǵandardy 9 josparly jáne 23 avtojol baǵyty boıynsha alyp júrdi, odan bólek 29 sot mekemesinde sot protsesterin ótkizýde óz septigin tıgizdi.
Sondaı-aq 2024 jyly aıdaýyldaý qyzmetiniń aldynda sý tasqyny kezeńinde sottalǵandardy evakýatsııalaýǵa baılanysty jańa syn-qaterler turdy. Úılesimdi jumystyń arqasynda qylmystyq-atqarý júıesi mekemeleri arasynda 3000-nan astam sottalǵan kóshirildi. Osy rette ótpeli aıdaýyldaý boıynsha 51 mindet oryndaldy, bul ótken jyldyń uqsas kórsetkishterimen salystyrǵanda on ese artyq.
Osylaısha, ulandyqtar túzeý mekemeleriniń qyzmetkerlerimen birge bas bostandyǵynan aıyrý oryndarynda tártiptiń saqtalýyn jáne tyıym salynǵan zattardyń taralýyn boldyrmaýdy, qadaǵalaý men baqylaýdy nyǵaıtýdy jalǵastyrýda.
Eske sala keteıik, buǵan deıin elordada Ulttyq ulan 700-ge jýyq jas sarbazben tolyqqanyn jazǵan bolatynbyz.