Ulttyq ulan: Oralda 200-den astam sarbaz ant berdi

ASTANA. KAZINFORM —  Oral qalasyndaǵy 5517 áskerı bóliminde 200-den astam jas sarbaz áskerı ant qabyldap, Ulttyq ulan qataryna qosyldy.  

Ulttyq ulan: Oralda 200-den astam sarbaz ant berdi
Foto: Polisia.kz

Polisia.kz málimetinshe, bıylǵy kúzgi shaqyrylym boıynsha jas tolym Aqtóbe, Almaty jáne Mańǵystaý oblystarynan barǵan. Bir aı boıy alǵashqy áskerı daıarlyqtan ótken sarbazdar saptyq daıyndyqty meńgerip, áskerı jarǵylarmen tanysty.

Saltanatty rásimge elimizdiń ár óńirinen barǵan 500-ge jýyq ata-ana men jaqyn týystary qatysyp, perzentteriniń mańyzdy sátine kýá boldy.

Áskerı ant — Otanǵa adal qyzmet etýge, halyq pen el qaýipsizdigin qorǵaýǵa berilgen qasıetti sert.

Qatardaǵy jaýynger Amır Hasan bul kúnniń ózi úshin erekshe ekenin atap ótti. 

— Búgin men úshin umytylmas kún. Áskerı ant qabyldaý — úlken jaýapkershilik. Ata-anamyzdyń úmitin aqtap, Otan aldyndaǵy boryshymyzdy adal atqarýǵa daıynbyz, — dedi ol.

Endi jas sarbazdar jaýyngerlik daıarlyqtyń kelesi kezeńine kirisip, qoǵamdyq qaýipsizdikti qamtamasyz etý, quqyqtyq tártipti saqtaý jáne mańyzdy memlekettik nysandardy kúzetý mindetterin oryndaýǵa daıyndalady.