Ulttyq ulan men Qarjylyq monıtorıng agenttigi qarjy pıramıdalarymen kúreste kúsh biriktirmek
ASTANA. KAZINFORM – Ulttyq ulan Qarjylyq monıtorıng agenttigimen birlesip, qarjy pıramıdalaryna qarsy is-qımyl jónindegi sharalardy kúsheıtýge baǵyttalǵan jańa jobaǵa bastama jasady.
Joba áskerı qyzmetshilerdiń zańsyz shemalardyń qaterleri týraly habardarlyǵyn arttyrýǵa jáne alaıaqtyq qurylymdardyń taralýyna jol bermeýge baǵyttalǵan.
Bastama aıasynda Ulttyq ulan Bas qolbasshylyǵynda áskerı qyzmetshiler QMA Preventsııa basqarmasynyń basshysy Andreı Davydovpen jáne «AML Academy» akademııasynyń mamany Darhan Qusaıynovpen kezdesti.
Olar qarjylyq pıramıdany qalaı taný kerektigin, qandaı ınvestıtsııalyq usynystardy muqııat tekserýdiń mańyzdylyǵyn, sondaı-aq árbir azamat kúdikti jobany «Baiqa, piramida» resmı Telegram-boty arqyly qalaı teksere alatynyn egjeı-tegjeıli aıtyp berdi. Mamandar sondaı-aq ǵalamtorda droptar týraly kúmándi vakansııalar kezdesetinin, olardyń artynda alaıaqtar bolýy múmkin ekenin eskertti jáne azamattardyń jeke derekteri men qarjylaryn urlaý úshin qoldanylatyn fıshıng jáne vıshıng shemalaryna toqtaldy.
– Ulttyq ulanmen birlesip, biz áskerı qyzmetshilerdiń qarjylyq saýattylyǵyn arttyrý jáne olardy yqtımal táýekelder týraly eskertý mindetin aldymyzǵa qoıyp otyrmyz. Aldaǵy ýaqytta osyndaı is-sharalardy tek Bas qolbasshylyq bazasynda ǵana emes, sondaı-aq óńirlik qolbasshylyqtarda da ótkizý josparda bar. Sonda áskerı qyzmetshiler barynsha qajetti bilim alyp, ózderin jáne jaqyndaryn alaıaqtyqtardan qorǵaı alady, - deıdi QMA Preventsııa basqarmasynyń basshysy Andreı Davydov.
Bastama kóterip otyrǵan taraptar osy baǵyttaǵy jumysty odan ári kúsheıtpek. QMA men Ulttyq ulan arasyndaǵy naqty nátıjege baǵyttalǵan kezdesýlerdi áskerdiń óńirlik qolbasshylyqtarynda da ótkizý josparlanyp otyr. Alaıaqtyqtardyń aldyn alý maqsatynda atalmysh kúreske áskerı tárbıeshiler de jumyldyrylady. Qos vedomstvo osylaısha, mańyzdy aqparattardyń árbir sarbazǵa jetýin kózdep otyr.
Ulandyqtar QMA-men yntymaqtastyq qarjylyq alaıaqtyqqa baılanysty qaterlerge tıimdi den qoıýǵa, sondaı-aq áskerı qyzmetshilerdiń qarjylyq saýattylyq deńgeıin arttyrýǵa múmkindik beretinin atap ótti.