Ulttyq ulan kýrsanty oqýlyq jazyp shyqty
ASTANA. KAZINFORM — Ulttyq ulan kýrsanty kásibı ımıdj qalyptastyrýǵa arnalǵan oqýlyq ázirledi. Bul týraly Polisia.kz jazdy.
Petropavl qalasyndaǵy Ulttyq ulan akademııasynda tyń ıdeıa júzege asyp, bolashaq ofıtserlerdiń kásibı qalyptasýyna baǵyttalǵan mańyzdy ǵylymı eńbek jaryq kórdi. Akademııanyń 4-kýrs kýrsanty Aleksandr Karpenko «Pedagog-psıhologtyń kásibı bolmysyn qalyptastyrý tehnologııasy» atty oqý quralynyń avtory atandy.
Bul eńbekti ol pedagogıka ǵylymdarynyń kandıdaty, professor Amangeldi Imanovpen birlese daıyndaǵan. Oqý quralynda bolashaq ofıtserlerdiń kásibı qyzmetine qajetti daǵdylardy qalyptastyrýǵa arnalǵan ádisnamalyq negizder, sonymen qatar dıagnostıkalyq quraldar úlgileri qamtylǵan.
Eńbek qazirgi ýaqytta magıstranttar arasynda aprobatsııadan ótip jatyr. Atalǵan oqý quraly avtorlyq quqyqpen qorǵalǵan jáne pedagogıka men áskerı daıyndyqtyń toǵysqan tusyndaǵy ózekti máselelerdi zertteıtin mamandar úshin baǵaly ádistemelik resýrs bolmaq.
Aleksandr Karpenko — Shymkent qalasynyń týmasy. Bala kezinen ákesi sııaqty áskerı qyzmetshi bolýdy armandaǵan ol búginde akademııada avtomobılmen qamtamasyz etý salasy boıynsha komandalyq-taktıkalyq mamandyqta bilim alýda. Endi onyń esimi áskerı pedagogıka men psıhologııa salasyndaǵy jas ǵalymdar qatarynan oryn alýy ábden múmkin.
Buǵan deıin habarlanǵandaı, Ulttyq ulannyń áskerı qyzmetshisi sambodan Azııa chempıonatynda altyn aldy.