Ulttyq ulan qyzmetkerleri túzeý mekemelerine 140 uıaly telefondy ótkizý áreketterin toqtatty
ASTANA. KAZINFORM – QR ІІM Ulttyq ulannyń áskerı qyzmetshileri qylmystyq-atqarý júıesi qyzmetkerlerimen birlesip, jazalaý oryndaryna jáne tyıym salynǵan zattardy ótkizý men tasymaldaýdyń jolyn kesý boıynsha jumystaryn jalǵastyryp jatyr.
Qazirgi ýaqytta Ulttyq ulannyń qaraýyldaý jáne áskerı jasaq baqylaýshylary Qazaqstannyń qylmystyq-atqarý mekemelerin qorǵap jatyr. Kún saıyn osy mekemelerdiń qaýipsizdigin qamtamasyz etý jáne jazasyn óteýshilerdiń tártibin baqylaý úshin 2000-ǵa jýyq áskerı qyzmetshi kezekshilik atqarady.
Bıyl kúzet qyzmeti men áskerı jasaq baqylaýshylary tyıym salynǵan zattardy ótkizýdiń 20 oqıǵasyn boldyrmady. 140 uıaly telefon, 152 SIM-karta, 45 pyshaq pen ótkir qural, 420 gr. astam marıhýana, 20 lıtr spırttik sýsyndar tárkilendi.
17 zań buzýshy ustalyp, tergeý-jedel topqa tapsyryldy.
Aıta keteıik, qylmystyq-atqarý júıesinde zańdylyq pen tártipti saqtaý Ulttyq ulannyń mańyzdy mindetteriniń biri sanalady.
Ulttyq ulannyń áskerı qalashyqtarynda myńǵa jýyq kamera ornatylatynyn jazǵan bolatynbyz.