Ulttyq ulan «Báıterek» keshenin memlekettik kúzetpen qamtamasyz etýi múmkin
ASTANA. KAZINFORM – «Báıterek» ǵaryshtyq zymyran keshenin qurý jumystary belsendi júrgizilip jatyr. Bul jaıynda Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
- «Báıterek» ǵaryshtyq zymyran kesheni boıynsha búgingi tańda jumystar belsendi satysynda tur. «TsENKI» AQ (bas ázirleýshi uıym) konstrýktorlyq jáne paıdalaný qujattamasyn ázirleýdi, tehnologııalyq jabdyqtardy daıyndaýdy jalǵastyrýda. 2024 jyldyń qyrkúıeginde «Baıqońyr» ǵarysh aılaǵyna zaýyttyq synaqtan ótken alǵashqy tehnologııalyq jabdyq jetkizildi. Qazaqstan tarapynan joba tıisti ınfraqurylym qurylysyn qarjylandyrýdyń qajetti kólemimen qamtamasyz etilgen. 2025-2027 jyldarǵa respýblıkalyq bıýdjette 63 mlrd teńge qarastyrylǵan, - dep atap ótedi Úkimet basshysy jaýabynda.
Onyń dereginshe, 2024 jylǵy 25 qarasha men 8 jeltoqsan aralyǵynda Tsıfrlyq damý, ınnovatsııalar jáne aeroǵarysh ónerkásibi mınıstrligi men «Báıterek» BK» AQ ókilderinen quralǵan birlesken komıssııa «Báıterek» ǴZK quramdas bólikteriniń jabdyqtaryn daıyndaý jónindegi jumystardyń naqty oryndalýyn tekserý úshin reseılik kásiporyndarǵa bardy. Tekserý nátıjeleri boıynsha «Báıterek» ǴZK qurý shartynyń talaptaryna sáıkes naqty oryndalǵan jumys kólemi rastaldy. «Báıterek» ǴZK obektilerin ustaý jáne paıdalaný kezinde qaýipsizdikti qamtamasyz etý maqsatynda «Sherıf-N» JShS jeke mamandandyrylǵan kúzet uıymy tartyldy.
- «Báıterek» ǴZK memlekettik kúzetpen qamtamasyz etý úshin Ulttyq ulandy tartý máselesi qosymsha pysyqtalyp jatyr. Ol úshin Úkimettiń 2011 jylǵy 7 qazandaǵy № 1151 «Memlekettik kúzetilýi tıis obektilerdiń keıbir máseleleri» qaýlysyna sáıkes keshendi memlekettik qorǵaýǵa jatatyn obektilerdi ınjenerlik-tehnıkalyq nyǵaıtý jónindegi talaptarǵa sáıkes keltirý boıynsha jumystar júrgizilip jatyr, - dedi Oljas Bektenov.
2025 jylǵa deıin Baıqońyr ǵarysh aılaǵynan toǵyz ret zymyran ushyrý josparlanǵanyn jazǵan bolatynbyz.