Ulttyq ulan áskerı qyzmetshileri SQO-da 200 myńnan astam qapshyq daıyndady
ASTANA. KAZINFORM – 24 sáýirden bastap QR ІІM Ulttyq ulan akademııasynyń 800-den astam kýrsanty tórt aýysymda táýlik boıy bógetterdi nyǵaıtý jáne qorǵanys shekaralaryn salý jumystaryna jumyldyryldy. Olarǵa qosylǵan 6637 áskerı bóliminiń 400 áskerı qyzmetshisi de qaýipti aımaqta aýysymmen qyzmet etip jatyr.
Búginde ulandyqtardyń kúshimen ınertti materıaldary bar 200 myńnan astam qap daıyndaldy. Salynǵan bógettiń uzyndyǵy 2 shaqyrymnan asady. Bul kúsh Soltústik Qazaqstan oblysy Teplıchnoe aýylynyń turǵyndaryn yqtımal tabıǵı apattardan qorǵaý men qaýipsizdikti qamtamasyz etýge baǵyttalǵan.
Kún saıyn sol jerde eńbek etetinderdiń arasynda Akademııa kýrsanty Tımýr Qaıyrhanov ta bar. Ol óziniń 23-shi týǵan kúnin erekshe jaǵdaıda atap ótti. Jeke merekesine qaramastan, ózine júktelgen tapsyrmalardy oryndaýdy jalǵastyrǵan Tımýr osy mindettiń mańyzdylyǵyna toqtaldy.
- Bizdiń kómegimiz turǵyndarǵa qanshalyqty qajet ekenin túsinemiz. Bul mindetti oryndaý arqyly árqaısymyz jalpy qaýipsizdik máselesine úles qosamyz, - deıdi ol.
Áskerı qyzmetshi áıelderdiń kúshimen jeke quramnyń moraldyq rýhyn saqtaý úshin tamaqtaný jáne jylytý pýnktteri uıymdastyrylǵan. Bul áskerı qyzmetshilerge táýlik boıy qıyn jaǵdaıda qyzmet etý kezinde kúsh pen densaýlyqty saqtaýǵa múmkindik beredi.
Bóget jasap, qaýiptiń aldyn alý jumystary áli de jalǵasyp jatyr. Ulandyqtar osy joldaǵy mindeti men azamattar aldyndaǵy boryshyn adal atqaryp keledi.
Ulttyq ulan jaýyngerleriniń saltanatty kıimi ázirlenip jatqanyn jazǵan bolatynbyz.