Ulttyq tsıfrlyq muraǵat qurý kerek - Quryltaı
BÝRABAI. KAZINFORM – Ulttyq tsıfrlyq muraǵat quryp, ony elimizdegi jáne shetelderdegi neırojúıe jasaýshylardyń erkin paıdalanýyna múmkindik berý kerek. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.
- Tanymal servısterge qazirgi zamanǵy Qazaqstan týraly sýret nemese vıdeo ázirleýge suranys bersek, kóbinese shyndyqqa janasa bermeıtin ónim usynady. Sebebi jahandyq neırojúıeler bizdiń tarıhymyzdy, mádenıetimiz ben salt-dástúrimizdi tolyq bilmeıdi. Ázirge ınternet keńistiginde Qazaqstan týraly álemniń keń taralǵan tilderindegi, ásirese, aǵylshyn tilindegi aqparattar kóp emes. Úkimet qolda bar orasan zor derekterdi, sonyń ishinde muraǵattar men anyqtamalyq málimetterdi, ǵylymı zertteýlerdi, ıllıýstratsııalar men fotosýretterdi, mýzykalyq shyǵarmalardy jáne óner týyndylaryn tsıfrlyq formatqa kóshirý jumysyn bastap ketti. Ulttyq tsıfrlyq muraǵat quryp, ony elimizdegi jáne shetelderdegi neırojúıe jasaýshylardyń erkin paıdalanýyna múmkindik berý kerek, - dedi Qasym-Jomart Toqaev.
Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.