Ulttyq tól valıýta: Almatyda «Saq stıli» banknotalarynyń kórmesi ashyldy
ALMATY. KAZINFORM – Almaty qalasynda JusanVibe art-keńistiginde QR Ulttyq Bankiniń teńge banknotalary men kollektsııalyq jáne ınvestıtsııalyq monetalarynyń kórmesi ótip jatyr. Ekspozıtsııa 15 qarasha atap ótiletin teńge kúnin merekeleýge oraılastyrylǵan.
Kórmede eki taqyryptyq ekspozıtsııa kózdelgen – QR Ulttyq Bankiniń teńge banknotalary men ınvestıtsııalyq jáne kollektsııalyq monetalary.
– Ulttyq tól valıýta – táýelsizdik pen egemendiktiń nyshany, memlekettegi aqsha júıesiniń negizi. Ulttyq Bank ótkizetin ekspozıtsııanyń maqsaty – qalyń aýdıtorııany ulttyq valıýta – teńge tarıhymen, «Saq stıli» banknotalarynyń jańa serııasymen, ınvestıtsııalyq jáne kollektsııalyq monetalarmen tanystyrý, – dedi QUB Tóraǵasynyń orynbasary Vıtalıı Týtýshkın.
Al «Saq stıli» serııasynyń bas dızaıneri Sanjar Nurqasymov qazirgi ýaqytta aınalymǵa bes jáne on myń teńgelik banknotalar engizilgenin atap ótti.
– Bul óz tarıhymyz, kóne zamannan kele jatqan mádenıet. 2023 jyldan bastap «Saq stıli» serııasyn engizdik, birinshi bes myńdyq banknota boldy. 2024 jyly on myńdyq shyqty, osy jyldyń sońynda deıin eki myń teńge banknotasyn basyp shyǵarýdy josparlap otyrmyz. Kelesi banknotalar 2025-2026 jyldary basylyp shyǵady, - dedi QUB bas dızaıneri Sanjar Nurqasymov.
Kórme 22 qarashaǵa deıin jalǵasady. Oǵan jeksenbi kúnin qospaǵanda barlyq turǵyndar men qala qonaqtary 09:00-den 18:00-ge deıin bara alady.
