Ulttyq teńiz keme qatynasy kompanııasynyń basshysy taǵaıyndaldy
ASTANA. KAZINFORM — Baýyrjan Muratuly «Qazaqteńizkólikfloty» UTKQK» JShS bas dırektory qyzmetin atqaratyn boldy, dep habarlaıdy «QazMunaıGaz» UK resmı arnasy.
Kompanııa ujymyna jańa basshyny «QazMunaıGaz» UK AQ tasymaldaý jáne logıstıka departamentiniń dırektory Erbolat Meńdibaev tanystyrdy.
Baýyrjan Muratuly 1986 jyly Taldyqorǵan qalasynda dúnıege kelgen.
2008 jyly Býndesver Áskerı-teńiz akademııasyn shtýrman qyzmeti (keme júrgizý) mamandyǵy boıynsha, 2017 jyly Ó.Joldasbekov atyndaǵy Ekonomıka jáne quqyq akademııasyn zańtaný mamandyǵy boıynsha jáne 2018 jyly Býndesver Bas shtabynyń akademııasyn bitimgershilik kontıngentterdi basqarý mamandyǵy boıynsha bitirgen.
2025 jyly Almaty menedjment ýnıversıtetin támamdap, iskerlik ákimshilendirý magıstri dárejesine ıe boldy.
Eńbek jolyn QR Qarýly kúshteri Áskerı-teńiz kúshteri Áskerı-teńiz bazasynyń (budan ári — QR QK ÁTK ÁTB) ártekti kemeleriniń jekelegen dıvızıonynyń shtýrmandyq jaýyngerlik bóliminiń komandıri bolyp bastaǵan.
Ár jyldary QR QK ÁTK ÁTB shtabynyń jedel bólimshesiniń aǵa ofıtseri, shtabty jumyldyrý jáne jasaqtaý bólimshesiniń bastyǵy, «Qazaqstan» zymyran-artıllerııalyq kemesiniń komandıri, QR Qorǵanys mınıstrliginiń áskerı-tehnıkalyq saıasat departamentiniń aǵa ofıtseri, QR QK ÁTK ÁTB ártekti kemeleriniń jekelegen dıvızıonynyń komandıri, QR QK ÁTK áskerı-teńiz bazasynyń komandıri — bas qolbasshynyń orynbasary, «FSSA» JShS teńiz logıstıkasy jónindegi menedjeri qyzmetterin atqardy.
Bul taǵaıyndaýǵa deıin «KMG Systems& Services» JShS bas dırektorynyń orynbasary bolyp jumys istedi.
Osyǵan deıin Abaı oblysy Polıtsııa departamentiniń bastyǵy aýysqany habarlandy.