Ulttyq taýarlar katalogyna 30 mln jýyq jazba engizildi – mınıstr
ASTANA. KAZINFORM – Qazaqstanda taýarlardyń biryńǵaı tsıfrlyq júıesin qalyptastyrýǵa arnalǵan Ulttyq taýarlar katalogyna 30 mıllıonǵa jýyq jazba engizildi. Bul týraly Úkimettegi brıfıng barysynda jýrnalısterdiń suraǵyna jaýap bergen QR Saýda jáne ıntegratsııa mınıstri Arman Shaqqalıev málim etti.
Mınıstrdiń aıtýynsha, Ulttyq taýarlar katalogy saýdanyń tsıfrlyq ekojúıesiniń mańyzdy elementi bolyp sanalady. Qazirgi ýaqytta júıede 40 myńnan astam taýar toby qamtylǵan.
– Ulttyq taýarlar katalogy saýdanyń tsıfrlyq ekojúıesiniń óte mańyzdy elementi. Qarapaıym tilmen aıtqanda, bul ár taýardyń jeke kýáligi ispetti. Búginde onda shamamen 30 mıllıon jazba, 40 myńnan astam taýar toby bar, – dedi Arman Shaqqalıev.
Onyń aıtýynsha, jyl sońyna deıin katalogty qalyptastyrýdy aıaqtap, ony qoldanystaǵy aqparattyq júıelermen, sonyń ishinde «Keden», 1S platformalarymen ıntegratsııalaý josparlanyp otyr.
Arman Shaqqalıevtiń sózinshe, júıeni engizý taýarlardyń qozǵalysyn baqylaýǵa, olardyń shyǵý tegin anyqtaýǵa jáne mindetti tólemderdiń tolyq tólenýin qadaǵalaýǵa múmkindik beredi.
- Bul saýda analıtıkasynan bastap, eń mańyzdysy taýardyń qadaǵalanýyna deıin múmkindik beredi: onyń qaıdan shyqqany, osy taýar boıynsha mindetti tólemderdiń tolyq tólenýi. ıAǵnı bul elimiz ekonomıkasyn «kóleńkeden shyǵarýdyń» mańyzdy elementi, – dedi mınıstr.
Aıta keteıik, otandyq taýarlardy qaralaýǵa baǵytalǵan aqparattyq naýqan bolyp jatqanyn jazǵanbyz.
