Ulttyq taýarlar katalogy boıynsha keri baılanys kúsheıedi
ASTANA. KAZINFORM — Ulttyq taýarlar katalogy boıynsha jıi qoıylatyn suraqtarǵa jaýap beretin Telegram-bot testileý rejıminde iske qosyldy. Bul týraly QR Saýda jáne ıntegratsııa vıtse-mınıstri Áset Núsipov OKQ-da ótken baspasóz máslıhatynda aıtty.
– Qazir biz keri baılanys ornatyp jatyrmyz. Sondaı-aq ótinimderdi jappaı júkteý fýnktsııasyn qostyq. Ólshem birlikterimen jumysty jeńildettik. Endi qatań baılanystyrý joq, sonymen qatar avtotoltyrý múmkindigi bar, – dedi spıker.
Onyń aıtýynsha, Ulttyq taýarlardyń katalogy jumys quraly retinde 4 aıdan beri jumys istep tur, al vedomstvo kez kelgen usynystardy qaraýǵa daıyn.
Eske sala keteıik, buǵan deıin Áleýmettik qyzmetter portaly men Ulttyq taýarlar katalogy biriktiriletinin jazdyq. Ondaǵy basty jańashyldyqtardyń biri – Áleýmettik qyzmetter portalyn Ulttyq taýarlar katalogymen biriktirý. Endi barlyq ónimge biregeı sáıkestendirý kody berilip, mindetti tirkeýden ótetin bolady. Bul árbir buıymnyń ónim berýshiden naqty alýshyǵa deıingi jolyn qadaǵalaýǵa múmkindik beredi. Biryńǵaı esepke alýdy engizý jalǵan mámilelerdiń jasalý múmkindigin azaıtyp, naryqty sertıfıkattalmaǵan jáne sapasyz taýarlardyń túsýinen qorǵaıdy.
Kásápkerlerge Ulttyq taýarlar katalogyn qoldaný mindettelgen bolatyn.
