Ulttyq tasymaldaýshy sý tasqynyna baılanysty Qaraǵandy oblysynyń turǵyndaryn evakýatsııalaıdy
QARAǴANDY. KAZINFORM – Qaraǵandy oblysynyń Aqsý-Aıýly kentinde aýa raıynyń nasharlaýy men qardyń qarqyndy erýi Sherýbaı-Nura ózeniniń shekten tys tolýy saldarynan «Ekaterınbýrg-Almaty» tas jolynyń ýaqytsha jabylýyna ákeldi. Osyǵan baılanysty «Jolaýshylar tasymaly» AQ Qaraǵandy oblysynyń turǵyndaryn evakýatsııalaýdy uıymdastyryp jatyr.
Halyqty tasymaldaýdy qamtamasyz etý úshin tegin negizde jeke lokomotıvti paıdalana otyryp, bir reıske jolaýshylar poıyzy taǵaıyndaldy:
*№8801/8802 «Qaraǵandy-Balqash-2» baǵytynda poıyz Qaraǵandydan 30 naýryz kúni saǵat 14:53-te jóneltildi.
Sondaı-aq kelesi 1 reıske jolaýshylar poıyzdaryna qosymsha vagondar taǵaıyndaldy:
* «Qaraǵandy-Balqash-2» baǵytyndaǵy №606 poıyz Qaraǵandydan 30 naýryzda saǵat 19:40-ta jóneltilip, 31 naýryz kúni Balqashqa saǵat 06:25-te keledi;
*«Balqash-2-Qaraǵandy» baǵytyndaǵy №605 poıyz 30 naýryz kúni saǵat 22:50-de Balqashtan jóneltilip, 31 naýryz kúni saǵat 8:20-da Qaraǵandyǵa keledi.
Qosymsha vagondardyń arqasynda sý basqan aımaqtardan 1 200-den astam turǵyndy tasymaldaý múmkin bolady.
Anyqtamalyq aqparatty «1433» nómiri boıynsha tegin alýǵa bolady.
