Ulttyq sý sharýashylyǵy ýnıversıteti bıyl Tarazdan ashylady
ASTANA. KAZINFORM — Vıtse-premer Qanat Bozymbaev Taraz óńirlik ýnıversıtetiniń bazasynda Jambyl oblysyndaǵy gıdromelıoratıvtik-qurylys ınstıtýtyn qalpyna keltirý máselesi boıynsha keńes ótkizdi.
Oǵan Ǵylym jáne joǵary bilim mınıstri Saıasat Nurbek, sý resýrstary jáne ırrıgatsııa, ulttyq ekonomıka, ádilet vıtse-mınıstrleri, sondaı-aq Básekelestikti qorǵaý jáne damytý agenttigi men Jambyl oblysy ákimdiginiń basshylyǵy qatysty.
Qanat Bozymbaev jańa ýnıversıtettiń tıisti materıaldyq-tehnıkalyq bazasyn qurý, qarjylandyrý jáne kadrlarmen qamtamasyz etý týraly esepti tyńdady.
Vıtse-premer elimizdiń bazalyq joǵary oqý oryndarynyń birin qalpyna keltirýdi Memleket basshysy tapsyrǵanyn eske saldy.
Ýnıversıtetke ulttyq mártebe beriledi, ol tek sý resýrstary máselelerine mamandanady.
Oqytýshylar quramyna sheteldik ǵalymdar da kiredi.
Eýropa, Qytaı, Reseı jáne AQSh ýnıversıtetterimen jańa JOO-men seriktestik týraly kelissóz júrgizilýde.
Talapkerlerdi tartý úshin bilim granttary kózdeledi.
Vıtse-premer qajetti vedomstvoaralyq rásimderdi jedeldetýdi tapsyrdy — ýnıversıtet qyrkúıek aıynda óz esigin ashýy tıis.
