Ulttyq statıstıka bıýrosy: Qazaqstanda astyq jınaıtyn kombaındar óndirisi artty
ASTANA. KAZINFORM — Qazaqstanda astyq jınaıtyn kombaındar óndirisi aıtarlyqtaı artty, dep habarlaıdy Ulttyq statıstıka bıýrosy.
- 2025 jyldyń birinshi jartyjyldyǵynda elimizde 449 birlik astyq jınaıtyn kombaın óndirildi. Bul 2024 jyldyń sáıkes kezeńimen salystyrǵanda 65,7 paıyzǵa artyq, - delingen aqparatta.
Sondaı-aq aýyl jáne orman sharýashylyǵyna arnalǵan traktorlar óndirisi de 39,3 paıyzǵa ósken. Esepti kezeńde 3 915 traktor shyǵarylǵan.
Bıýro dereginshe, qańtar–mamyr aralyǵynda otandyq traktorlardyń Qazaqstan naryǵyndaǵy úlesi 46,7 paıyzdy qurady.
Aıta keteıik, sonymen qatar elde kókónis jáne jemis shyrynynyń óndirisi artty.
