Ulttyq shańǵy qaýymdastyǵynyń bas hatshysy laýazymynan ketti
ALMATY. KAZINFORM – Almatyda Qazaqstan Respýblıkasy Ulttyq shańǵy qaýymdastyǵynyń kezekti konferentsııasy ótti.
Otyrys barysynda ótken Olımpıada kezeńiniń nátıjeleri qorytyndylanyp, qaýymdastyq quramyna kiretin federatsııalardyń jumysy qaraldy. Sondaı-aq shańǵy sport túrlerin odan ári damytýdyń basym baǵyttary aıqyndaldy.
Ulttyq shańǵy qaýymdastyǵynyń málimetinshe, 10 jyl boıy bas hatshy laýazymyn atqaryp kelgen Asqar Ýálıev qyzmetinen ketti. Jıynǵa qatysýshylar oǵan Qazaqstandaǵy shańǵy sport túrlerin damytýǵa qosqan úlesi, kásibıligi jáne ótken Olımpıada kezeńdegi jemisti jumysy úshin alǵys bildirgen.
Odan bólek konferentsııa barysynda qaýymdastyq músheleri basqarýshy quramdy saılaý boıynsha daýys berdi. Onyń qorytyndysy boıynsha Ulttyq shańǵy qaýymdastyǵynyń bas hatshysy bolyp shańǵy jarysynan el quramasynyń burynǵy bas bapkeri Aleksandr Batıaıkın saılandy, al atqarýshy dırektor laýazymyna Talǵat Aıapbergenov bekitildi.
Kazinform tilshisine bergen suhbatynda Asqar Ýálıev Ulttyq shańǵy sport túrleri qaýymdastyǵymen baılanysyn úzbeıtinin, biraq qaýymdastyq prezıdentiniń keńesshisi retinde qyzmet etetinin naqtylady.
Eske salaıyq, buǵan deıin Halyqaralyq shańǵy sporty federatsııasynyń jańa prezıdenti saılandy.
