Ulttyq reıtıngke ilinbegen ýnıversıtetter qarjylandyrýdan qaǵylady — mınıstr
ASTANA. KAZINFORM — Ýnıversıtetter boıynsha ulttyq reıtıng jarııalanady. Bul týraly Parlament Májilisinde joǵary bilimdi kadrlardy daıarlaý taqyrybyna arnalǵan Úkimet saǵatynda QR Ǵylym jáne joǵary bilim mınıstri Saıasat Nurbek málim etti.
— Birneshe jyl buryn sapasyz ýnıversıtetterdi qysqartý jumysy bastalǵan edi. Bul jumysty jalǵastyryp jatyrmyz, ıaǵnı Aqtóbede, Shymkentte, Atyraýda sapasyz bilim berip jatqan JOO-lardyń lıtsenzııasy joıyldy. Osy jyldan bastap tıisti talaptar zańnamaǵa engizildi. Bıyldan ulttyq reıtıng engiziledi, alǵash ret ony osy jyly jarııalaımyz. Byltyr ony pılottyq formatta ótkizdik, — dedi Saıasat Nurbek depýtattar saýalyna jaýap bere otyryp.
Onyń aıtýynsha, osy ózgeristerge jekemenshik ýnıversıtetter úreımen qaraıdy.
— Osyndaı qadamǵa bardyq. Endi memlekettik grant pen tapsyrys ulttyq reıtıngpen ushtastyrylady. Reıtıngke ilikpegen, halyqaralyq formatta jumys istemeıtin, ınvestıtsııa quımaıtyn, zerthanalar qurmaıtyn ýnıversıtetterge qarjylandyrý múldem toqtatylady. Sondyqtan birtindep naryqtyq ustanymdar qosylady. Reıtıng málimetteri ata-analarǵa, talapkerlerge keńinen taratylady, — dedi mınıstr.
Budan buryn habarlanǵandaı, keıingi bes jylda Qazaqstanda 16 JOO jabyldy.
