Ulttyq parkterge barǵan týrısterdiń sany qanshalyqty artty
ASTANA. KAZINFORM — Byltyr elimizdegi halyqaralyq is-sharalar ekonomıkaǵa shamamen 18 mln AQSh dollary kóleminde paıda ákeldi. Bul týraly Úkimet otyrysynda QR Týrızm jáne sport mınıstri Erbol Myrzabosynov málim etti.
— Ekologııalyq týrızm salasynda turaqty ósim baıqalady. Ótken jyldyń qorytyndysy boıynsha ulttyq parkterge kelýshiler sany 3,7 mıllıon adamǵa jetti. Týrıstik júktemeni tıimdi basqarý jáne tabıǵı ekojúıelerdi saqtaý maqsatynda 2025 jyly ekotýrızmniń ulttyq standarty jańartyldy. Osy baǵytty odan ári damytý úshin ulttyq parkterdegi ınfraqurylymdy jetildirýdi, sondaı-aq týrıstik soqpaqtar men marshrýttardy abattandyrýdy jalǵastyrý qajet, — dedi E. Myrzabosynov.
Onyń paıymynsha, eksporttyq áleýeti joǵary baǵyttardyń biri — kongrestik-iskerlik týrızm. Byltyr elimizde 13 halyqaralyq is-shara ótkizilip, ekonomıkaǵa shamamen 18 mln AQSh dollary kóleminde paıda ákeldi.
— Qazaqstannyń halyqaralyq naryqtaǵy ornyn nyǵaıtý úshin qoldanystaǵy ınfraqurylymdyq shekteýlerdi joıý qajet. Atap aıtqanda, Almaty qalasy iskerlik belsendiliktiń negizgi ortalyǵy retinde halyqaralyq deńgeıdegi zamanaýı kongress-kórme keshenine muqtaj. Bul másele boıynsha tıisti sheshim qabyldaý qajet, — dedi mınıstr.
Buǵan deıin týrızm salasynda 600 myńnan astam adam jumyspen qamtylǵanyn jazǵan edik.
