Ulttyq parkter men qoryqtar aýmaǵynan bıznes ashýǵa múmkindik beretin zań jobasy ázirlenedi

ASTANA. KAZINFORM – Premer-mınıstr Oljas Bektenov Úkimet otyrysynda ulttyq parkter men qoryqtar aýmaǵynda týrızmdi damytýdyń jańa qaǵıdatyn ázirleýdi tapsyrdy.

- Otandyq kásipkerlerdiń ulttyq parkter aýmaǵyna, osyǵan uqsas basqa da lokatsııalarǵa kirýi qıyn. Ósimdikter men janýarlar dúnıesiniń saqtalýyn qamtamasyz ete otyryp, týrıstik ınfraqurylymdy ornyqty damytý jáne kórsetiletin qyzmetter sapasyn arttyrý úshin kásipkerlerdiń ulttyq parkter men qoryqtarǵa, rezervattar aýmaǵyna retteý arqyly kirý tetikteri boıynsha halyqaralyq tájirıbeni zerdelep, usynystar engizý qajet. Ekologııa mınıstrligi kásipkerler palatasymen birlesip, tıisti zańnamalyq túzetýlerdi ázirleýge tıis, - dedi ol.

Úkimet basshysy bıznes ókilderi ınvestıtsııalyq jobalardyń keıbiri iske asyrý kezinde sý aıdyndaryn qorǵaý talaptarynyń kesirinen kedergige tap bolyp jatqanyn atap ótti.

- Mysaly, akvapark qurylysyna qajetti ınfraqurylym júrgizý múmkin emes. Bul máselede barlyq tarapqa qolaıly bolatyn sheshim izdegen jón. Sý resýrstary mınıstrligi ozyq halyqaralyq tájirıbeni zerttep, tıisti zańnamalyq túzetýlerdi ázirleýi qajet, - dedi Premer-mınıstr.

Sondaı-aq ol «Kazakh Tourism» basshysy Talǵat Ǵazızovke laýazymyna laıyq ekenin dáleldeý úshin nátıje kórsetý kerektigin eskertti.