Ulttyq panteonda jerlenetin tulǵalar tizimi keńeıtildi
ASTANA. KAZINFORM – Úkimettiń «Ulttyq panteon týraly erejeni bekitý týraly» qaýlysyna ózgertýler engizildi. Soǵan oraı Panteonda jerlenetin tulǵalar tizimi keńeıtildi.
Jańartylǵan qujatqa sáıkes, Qazaqstan Respýblıkasynyń vıtse-prezıdentteri, Quryltaı tóraǵalary jáne olardyń orynbasarlary, Halyq Keńesiniń tóraǵalary jáne olardyń orynbasarlary, Qazaqstan Respýblıkasynyń memlekettik keńesshileri, Qaýipsizdik Keńesi Tóraǵasynyń orynbasarlary Panteon aýmaǵynda jerlenetin adamdar tizimine engizildi.
Aıta keterligi, qaıtys bolǵan (qaza tapqan) adamdardy jerleýdi uıymdastyrýdy qaıtys bolǵan (qaza tapqan) adamnyń jubaıynyń (zaıybynyń), jaqyn týysqandarynyń ne zańdy ókiliniń bastamasymen astananyń, oblystardyń, respýblıkalyq mańyzy bar qalalardyń jergilikti atqarýshy organdary júrgizedi.
Oblystardyń, respýblıkalyq mańyzy bar qalalardyń jáne astananyń jergilikti atqarýshy organdary Panteonda máıitti jerleý úshin mynadaı is-sharalardy uıymdastyrady:
- jerleýge arnalǵan qujattardy resimdeý;
- qaıtys bolǵan (qaza tapqan) adamdy jerleý úshin paıdalanylatyn qajetti atrıbýttardy usyný;
- qaıtys bolǵan (qaza tapqan) adamnyń máıitin Panteonǵa tasymaldaý;
- jerleý.
Buǵan deıin Astana ákimdigi Ulttyq panteondy kútip ustaıtyn memlekettik mekeme quratynyn jazǵan edik.
