Ulttyq mýzeıde jańa etnografııa zaly ashyldy
ASTANA. KAZINFORM – Ulttyq mýzeıde ekinshi etnografııa zalynyń saltanatty ashylý rásimi ótti.
Buǵan deıin mýzeıde etnografııa zaly jumys istegenimen, barlyq qundy jádigerdi syıǵyzý múmkin bolmady.
Sondyqtan endi jańa keńistikte halqymyzdyń baı murasy keń kólemde usynylyp otyr.
Jańa zalda kelýshiler nazaryna:
XIX–XX ǵasyrlardaǵy zergerlik áshekeıler;
kilemder men kıiz buıymdary (syrmaq, tekemet);
ulttyq kıim úlgileri (er adam, áıel, qalyńdyq pen kúıeý jigittiń kıimi);
turmystyq buıymdar (sandyq, kebeje, asadal jáne t. b.) usynylǵan.
Barlyǵy — 258 jádiger, sonyń ishinde 47 biregeı kilem bar.
— Bizdiń basty maqsatymyz — asyl muralardy kópshilikke tanystyryp, halqymyzdyń mádenı baılyǵyn dáripteý. Qorymyzda eki jarym ǵasyrlyq tarıhy bar jádigerler bar. Solardy turaqty túrde kórsetip, bolashaq urpaqqa jetkizý — mýzeıdiń eń basty mıssııasy, — dedi Ulttyq mýzeı dırektory Berik Ábdiǵalıuly.
Kórmege qatysqan ǵalymdar etnografııa zalynyń ashylýyn ulttyq murany saqtaý men mádenı sabaqtastyqty qamtamasyz etýdegi mańyzdy qadam dep baǵalady.
Aıta ketelik Janqoja batyrǵa tıesili qylyshtyń kóshirmesi týǵan jerindegi mýzeıge qoıyldy.