Ulttyq mýzeıde «Zergerlik kod» halyqaralyq kórmesi ashyldy

ASTANA. KAZINFORM — Bul – Qazaqstandaǵy Syldyr jobasy aıasyndaǵy data-art pen kontseptýaldy áshekeılerge arnalǵan alǵashqy halyqaralyq kórme.

Mádenıet jáne aqparat mınıstrliginiń málimetinshe, ekspozıtsııaǵa Qazaqstan, Germanııa, Avstralııa, Majarstan, AQSh, Italııa, Nıderland, Meksıka, Senegal, Qytaı, Reseı, Avstrııa, Ulybrıtanııa, Polsha, Grýzııa, Oman syndy 28 memleketten 60-tan astam sýretshi qatysty.

Avtorlar kontseptýaldy áshekeıler men materıaldyq data-art týyndylaryn usyndy. Bul jumystar arnaıy osy kórme úshin jasalǵan.

– 2016 jyly Oksford sózdigi «postshyndyq» sózin jyl sózi dep atady. Bul qubylys emotsııalar qoǵamdyq dıskýrstan obektıvti faktilerdi yǵystyrǵanda paıda bolady. Búginde araǵa on jyldaı ýaqyt salyp, postshyndyq áleýmettik jelilerdiń, jasandy ıntellektiń damýy jáne dástúrli jýrnalıstıkanyń álsireýiniń arqasynda burynǵydan da tereń ornyqty. Osyndaı jaǵdaıda statıstıka aqıqattyń sońǵy derekkózi bolyp qala beredi. Sondyqtan da sýretshiler barǵan saıyn derekterdi kórneki, materıaldyq ári taǵylatyn formaǵa aınaldyratyn data-artqa júginýde, - delingen málimette.

Qazaq mádenıetinde áshekeıdiń qasıetti máni bar. Boıtumar – kúsh-qýat, tektilik pen jadynyń belgisi. Syldyr jobasynyń kýratorlary osy dástúrdi qaıta paıymdaýdy usynady.

Áshekeıdiń áli de ózindik máni bar, biraq endi ol sandarǵa negizdelip, salmaq, tekstýra jáne formaǵa aınalǵan derekter ispetti.

Aıta keteıik, buǵan deıin «Edige bı» jyrynyń qoljazbasy jaryqqa shyqqany týraly jazǵan edik.