Ulttyq quryltaıdyń úshinshi otyrysynda kóterilgen bastamalar júzege asyryla bastady – Erlan Qarın
ASTANA. KAZINFORM — Memlekettik keńesshi Erlan Qarın Ulttyq quryltaıdyń úshinshi otyrysynda kóterilgen bastamalardy is júzinde júzege asyrý protsesi bastalǵanyn aıtty.
«Memleket basshysy Atyraýda sóılegen sózinde lýdomanııaǵa táýeldilikke qarsy kúres týraly zań jobasyn Parlamenttiń aǵymdaǵy sessııasy aıaqtalǵanǵa deıin qabyldanýy tıis ekenin aıtty. Búgin Májilistiń áleýmettik-mádenı damý komıtetinde oıyn bıznesi, lotereıa jáne lotereıa qyzmeti máseleleri boıynsha zań jobasynyń, sondaı-aq Ákimshilik quqyqbuzýshylyq týraly kodekske ilespe túzetýlerdiń tanystyrylymy ótti. Jobany AMANAT partııasy fraktsııasynyń jetekshisi Elnur Beısenbaev tanystyrdy», - dep atap ótti Erlan Qarın.
Aıtýynsha, parlamentarıılerdiń bastamasymen ázirlengen zań jobalary halyqty oıynǵa táýeldilikten qorǵaýǵa qorǵaýǵa baǵyttalǵan.
«Zań jobasyn talqylaýǵa bul máseleni qoǵamdyq ortada birinshi bolyp jandardyrǵan Parlament depýtattary da, Ulttyq quryltaı men Prezıdent janyndaǵy Jastar saıasaty jónindegi keńes músheleri de qatysqanyn aıta ketken jón», - dedi Erlan Qarın.
