Ulttyq quryltaı: Zaısan, Katonqaraǵaı, Kendirli demalys aımaqtarynda áýejaı ashylady

BÝRABAI. KAZINFORM – Prezıdent Qasym-Jomart Toqaev Ulttyq quryltaıdyń V otyrysynda aldaǵy ýaqytta el ıgiligine beriletin iri óndiristik jáne logıstıkalyq jobalarǵa toqtaldy.

- Almaty qalasynda jáne Qostanaı oblysynda avtokólik zaýyttary ashylady. «Dostyq-Moıynty» temir jol ýchaskesiniń jáne Almaty beketin aınalyp ótetin temir jol jelisiniń qurylysy aıaqtalady. «Qyzyljar – Moıynty» baǵytynda jańa joba bastalady.
Aqtaýda Kaspıı teńiziniń jaǵalaýyndaǵy konteıner haby salynyp bitedi. «Qorǵas – Shyǵys qaqpa» EEA aýmaǵynda halyqaralyq áýejaı jumys isteı bastaıdy. Zaısan, Katonqaraǵaı men Kendirli demalys aımaqtarynda da áýejaı ashylady, - dedi Prezıdent.

Memleket basshysy Kaspııdiń tsıfrlyq logıstıka salasyndaǵy áleýeti zor ekenin atap ótti.

- Kaspıı teńiziniń ultanymen talshyqty-optıkalyq baılanys jelisi tartylady, bul qadam Eýropa men Azııa arasynda tsıfrlyq dáliz jasaýǵa múmkindik beredi. Elimizdiń avtokólik joldary jelisin damytý jumysynyń mán-mańyzy óte zor - dedi Qasym-Jomart Toqaev.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.