Ulttyq quryltaı: Qarın Prezıdent qandaı bastamalar kótergenin aıtty
ASTANA. KAZINFORM — Memleket keńesshi Erlan Qarın keshe ótken Ulttyq quryltaıdyń erekshelikteri men Prezıdent kótergen bastamalardy atady.
Bıylǵy Ulttyq quryltaıdyń negizgi erekshelikteri
— Qoǵamdy tolǵandyratyn ózekti máselelerdiń keń aýqymy qamtyldy;
— Prezıdenttiń sóılegen sózi mazmuny men qurylymy jaǵynan jyl saıynǵy Joldaýmen teń dárejede baǵdarlamalyq sıpatqa ıe boldy;
— Memleket basshysy óz sózinde qazirgi jaǵdaıǵa jan-jaqty taldaý jasap, kóptegen máseleniń júıeli sheshimderin usyndy jáne bolashaqqa arnalǵan mindetterdi aıqyndady;
— Ulttyq quryltaı músheleriniń eki kún boıy aıtqan barlyq negizgi usynystary Prezıdenttiń sózinde kórinis tapty.
Jumys sektsııalary men plenarlyq otyrysta qoǵam belsendileri kótergen máseleler men bastamalar
— Ekonomıkany reformalaý: ınnovatsııalar men tsıfrlyq tehnologııalardy engizý, salyq-bıýdjet salasyn jetildirý, óńirlerde kólik ınfraqurylymyn damytý, eńbek naryǵyndaǵy óńirlik teńsizdikterdi joıý, óndiristegi qaýipsizdikti qamtamasyz etý; jumysshy mamandyqtaryn nasıhattaý;
— Áleýmettik saıasat: bilim berýdiń qoljetimdiligi men sapasyn arttyrý, ǵylym men densaýlyq saqtaýdy damytý, ekologııa máseleleri; erekshe qajettilikteri bar adamdar úshin qolaıly jaǵdaı jasaý;
— «Zań jáne tártip» qaǵıdatyn ornyqtyrý: alaıaqtyqpen kúres, áıelder kolonııalaryndaǵy jaǵdaı, jastar arasyndaǵy quqyqbuzýshylyqtardyń aldyn alý, quqyqtyq saýattylyqty arttyrý. quqyqbuzýshy ata-analardyń jaýapkershiligin kúsheıtý;
— Ideologııalyq jumysty júıeleý: ishki saıasat salasynda biryńǵaı tujyrymdamalyq qujat ázirleý, destrýktıvti dinı aǵymdarmen kúres, memlekettik áleýmettik tapsyrys krıterıılerin qaıta qaraý, ysyrapshyldyq pen mádenıetsizdikke qarsy turý, «Adal Azamat» baǵdarlamasy aıasynda óskeleń urpaqty júıeli túrde tárbıeleý, aǵartýshylyq jumystar júrgizý jáne mádenı-rýhanı murany ilgeriletý.
Memleket basshysy qandaı mańyzdy bastamalardy kóterdi?
— Ideologııalyq jáne gýmanıtarlyq jobalar;
— Іshki saıasat tujyrymdamasyn ázirleý;
— Úkimettik emes uıymdar salasyndaǵy zańnamany jetildirý;
— Shetelde Abaı ınstıtýttaryn ashý;
— Bıologııalyq ártúrlilikti saqtaý jónindegi halyqaralyq qor qurý;
— Ulttyq tsıfrlyq arhıv qurý;
— «Qazaqstan balalary» biryńǵaı baǵdarlamasyn iske qosý;
— Ár oblys ortalyǵynda erekshe balalarǵa arnalǵan ońaltý jáne damý ortalyqtaryn ashý;
— Ár oblystyq, aýdandyq ortalyqtarda, aýyldar men kentterde balalarǵa arnalǵan fýtbol alańdaryn salý.
Ekonomıkalyq jáne ınfraqurylymdyq bastamalar
— Táýelsizdiktiń 40 jyldyǵyna deıingi el damýynyń bes basym baǵytyn aıqyndaý: tsıfrlandyrý jáne jasandy ıntellekt, kólik jáne tranzıt, energetıka, agroónerkásiptik keshen, adamı kapıtal;
— 2025 jyly naqty sektordy qarjylandyrý kólemin eki ese arttyryp, 8 trln teńgege, al kelesi jyldary 10 trln teńgege deıin jetkizý;
— 2025-2026 jyldary iri ınfraqurylymdyq jobalardy júzege asyrý;
— Aldaǵy tórt jyl ishinde jyl saıyn 200-ge jýyq ınvestıtsııalyq jobany iske qosý;
— Shekara mańy aýmaqtaryn damytý týraly jańa zań ázirleý;
— Astanadan Arqalyq, Torǵaı jáne Yrǵyz arqyly Transkaspıı halyqaralyq kólik dálizine tikeleı shyǵatyn avtojol salý;
— ıAdrolyq energetıka agenttigin qurý.
Aıta keteıik, keshe Býrabaıda Ulttyq quryltaıdyń IV otyrysy ótti. Memleket basshysy Qasym-Jomart Toqaevtyń Ulttyq quryltaıdyń sóılegen sózimen silteme ótip tanysýǵa bolady.