Ulttyq quryltaı el damýynyń baǵytyn aıqyndaıtyn biregeı platformaǵa aınaldy — Balaeva

ATYRAÝ. KAZINFORM – Ulttyq quryltaı el damýynyń baǵyt-baǵdaryn aıqyndaıtyn biregeı platformaǵa aınaldy. Bul týraly Mádenıet jáne aqparat mınıstri Aıda Balaeva Ulttyq quryltaıdyń «Mádenıet. Óner. Rýhanııat» jumys sektsııasynyń jıynynda aıtty. 

Erteń Atyraýda Ulttyq quryltaıdyń úshinshi jıyny ótedi. Búgin quryltaıdyń jumys sektsııalarynyń jıyny bastaldy.

«Ulttyq quryltaı ult zııalylarynyń qoǵamdaǵy qordalanǵan máselelerdi talqylaıtyn, el damýynyń baǵyt-baǵdaryn aıqyndaıtyn biregeı platformaǵa aınaldy. Túrkistanda ótken Ulttyq quryltaıdyń ekinshi otyrysynan bastap jumys formaty ózgerdi. Qazir «Azamattyq qoǵam», «Mádenıet. Óner. Rýhanııat», «Bilim jáne ǵylym», «Áleýmettik-ekonomıkalyq damý» dep atalatyn 4 sektsııa jumys isteıdi», - dedi Aıda Balaeva.

Mınıstr Ulttyq quryltaıdyń aldyńǵy otyrystary men jumys kezdesýleriniń qorytyndysy boıynsha atqarylǵan jumystarǵa toqtaldy. 

«Elimizde «Memlekettik nagradalar týraly» Zańǵa ózgerister engizilip, «Qazaqstannyń Halyq jazýshysy» ataǵy qaıtaryldy. 2023 jyly «Qazaqstannyń Halyq jazýshysy» ataǵyna T.Ábdikuly, S.Elýbaev, B.Nurjekeev, S.Smataev, A.Ashırov jáne L.Shashkova ıe boldy. Prezıdent Jarlyǵymen «Áziret Sultan» memlekettik tarıhı-mádenı murajaı-qoryǵyna «Ulttyq» mártebesi berildi. Astana, Almaty, Shymkent qalalary men oblystardyń óńirlik rámizderin ázirleý jáne qoldaný týraly Úlgilik erejeniń jobasy daıyndaldy. ıAssaýıtaný ǵylymı ortalyǵynyń jumys tujyrymdamasy jáne 3 jyldyq jumys jospary ázirlendi», - dedi mınıstr.