Ulttyq qurama sapyna Baktıer Zaınýtdınov pen Abat Aıymbetov qosyldy
ASTANA. KAZINFORM - Birikken Arab Ámirliginiń Dýbaı qalasynda ótip jatqan fýtboldan Qazaqstan quramasynyń oqý-jattyǵý jıynyna Baktıer Zaınýtdınov pen Abat Aıymbetov qosyldy.
El quramasy Ulttar lıgasy pleı-off satysyndaǵy Grekııaǵa qarsy oıynǵa 19 naýryzda attanady.
BAÁ-de ótip jatqan oqý-jattyǵý jıyny aıasynda qazaqstandyq fýtbolshylar Túrkimenstanmen ótken joldastyq kezdesýde qarsylasyn 2:0 esebimen tize búktirdi.
Aıta ketsek, Qazaqstan quramasy Ulttar lıgasynda S jolymen 2024 jyldyń 21 naýryzynda jartylaı fınalda syrt alańda Grekııamen kezdesedi.
Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady. Jeńimpaz qurama 2024 jylǵy Eýropa chempıonaty fınaldyq satysyna joldama alady.
Qazaqstandyq fýtbolshylar qurlyqtyq dodanyń irikteý satysynda H tobynda synǵa túsip, úshinshi orynǵa turaqtady. Olar barlyǵy 18 upaı jınap, ulttyq quramanyń rekordyn jańartty.
