Ulttyq qurama mergenderi taǵy 4 júldege qol jetkizdi
Nysana kózdeýden Indonezııa astanasynda ótip jatqan Azııa chempıonatynda Qazaqstan quramasynyń qorjynyna taǵy 4 medal tústi, dep habarlaıdy Kazinform QR Týrızm jáne sport mınıstrligi Sportty damytý dırektsııasynyń baspasóz qyzmetine silteme jasap.
Vıntovkamen 50 metrden jatyp oq atýda Arına Altýhova chempıon atansa (626,8 upaı). Aleksandra Le qola júldeger atandy (618,4 upaı).
Taǵy bir Ulttyq qurama sportshysy Elızaveta Bezrýkova tórtinshi satydan kórindi (617,2). Nátıjesinde komandalyq synda da Qazaqstan altyn júldeni qanjyǵasyna baılady.
Al tapanshamen 25 metrden nysana kózdeýde Nıkıta Chırıýkın 568 upaımen úzdik úshtikti túıindep, Djakartadaǵy medal sanyn ekeýge jetkizdi. Bul eki baǵdarlamada Olımpıada lıtsenzııasy sarapqa salynǵan joq.
Qazir jalpy esepte Qazaqstan 3 altyn, 1 kúmis, 2 qola medalmen 4-orynda kele jatyr.
Aıta keteıik, Azııa chempıonaty 18 qańtarda aıaqtalady.
