Ulttyq qurama kózdegen maqsatyna jetti – ıÝrıı Şýkın

ASTANA. KAZINFORM – Tennısten Qazaqstan áıelder quramasynyń kapıtany ıÝrıı Şýkın Bıllı Djın Kıng kýbogy aıasynda elordada Koreıamen ótken pleı-off matchyn qorytyndylady.ıÝ.Şýkın Koreıamen básekede jeńimpaz atanyp, oǵan barlyq qyzdardyń úles qosqanyna qýanyshty ekendigin jetkizdi.

«Zarına uzaq úzilisten keıin tamasha match ótkizdi. Bul oǵan kúsh qosady dep oılaımyn. Juptyq básekede jeńilip qalǵanyna qaramastan, komanda myqty oınap, oń nátıjege qol jetkizdi. Eki kún boıy Beeline Arena tennıs ortalyǵyn toltyrǵan jankúıerlerge alǵysymdy aıtqym keledi. Adamdardyń tennıs qarap, komandany qoldaǵanyn kórdik. Qyzdarymyzdyń qazaqstandyq jankúıerlerine osynshama kóterińki kóńil-kúı syılaǵanyna, árıne, rızamyz», dedi ıÝ.Şýkın.

Atalǵan matchta Qazaqstan quramasyna Zarına Dııas, Elena Rybakına jáne ıÝlııa Pýtıntseva jeńis upaılaryn áperdi. Eshteńeni sheshpegen sońǵy juptyq synda ǵana Anna Danılına – Jibek Qulambaeva Kım Dabın – Ký En Výǵa 3:6, 6:4, 7:10 esebimen ese jiberdi.

Komandalyq álem chempıonatynyń irikteý kezeńi 2025 jyly sáýirde ótedi. Jerebe osy aıdyń aıaǵynda bolyp, Qazaqstan quramasynyń qarsylasy anyqtalady.

Eske sala keteıik, budan buryn Qazaqstan quramasynyń Bıllı Djın Kıng kýbogynyń irikteý kezeńine joldama alǵanyn jazǵan edik.