Ulttyq qurama boksshylary Túrkistan oblysynda óz tańdaýyn jasady
TÚRKІSTAN. KAZINFORM — Túrkistan oblysy Tólebı aýdanyndaǵy «Alma Taý» sporttyq bazasynda bokstan Qazaqstan Respýblıkasynyń ulttyq quramasy oqý-jattyǵý jıyndaryn ótkizip jatyr.
Daıyndyq barysynda ulttyq qurama músheleri el ómirindegi mańyzdy saıası naýqannan da tys qalǵan joq.
Bylǵary qolǵap sheberleri Tólebı aýdanyna qarasty Aqbastaý aýylyndaǵy №760 ýchaskege arnaıy kelip, azamattyq boryshtaryn oryndap, óz tańdaýlaryn jasady.
Sportshylardyń aıtýynsha, memleket taǵdyryna qatysty mańyzdy sheshimder qabyldanatyn sátte árbir azamattyń belsendiligi asa mańyzdy. Sondyqtan olar halyqpen birge el bolashaǵyna jaýapkershilikpen qarap, referendýmǵa qatysýdy azamattyq paryz dep sanaıtyndaryn jetkizdi.
Budan buryn Olımpıada oıyndarynyń qola júldegeri, úsh dúrkin álem chempıony Nazym Qyzaıbaı referendýmda daýys bergenin jazǵan edik.
