Ulttyq qurama bapkeri ornynda qala ma – QFF resmı málimdeme jasady
ASTANA. KAZINFORM – Qazaqstan fýtbol federatsııasy ulttyq quramanyń bas bapkeri Talǵat Baısýfınovqa qatysty taraǵan aqparatqa túsinikteme berdi.
Resmı málimdemege sáıkes, birqatar BAQ-ta jarııalanǵan bapkerdiń qyzmetinen ketýi múmkin degen habarlar shyndyqqa janaspaıdy. Federatsııa ókilderi bul málimettiń jalǵan ekenin naqtylady.
– QFF Talǵat Marýauly Baısýfınovqa tolyq qoldaý bildiredi jáne onyń kásibı qyzmetin, Qazaqstan ulttyq quramasyn damytýǵa qosqan úlesin, sondaı-aq komandany aldaǵy matchtar men týrnırlerge daıyndaý baǵytyndaǵy jumysyn joǵary baǵalaıdy. Buqaralyq aqparat quraldarynyń ókilderin, blogerlerdi jáne áleýmettik jeli qoldanýshylaryn tek resmı aqparat kózderine súıenýge jáne qoǵamdy jańylystyrýy múmkin rastalmaǵan aqparatty taratpaýǵa shaqyramyz.
Kadrlyq sheshimderge qatysty barlyq aqparat Qazaqstan fýtbol federatsııasynyń resmı kommýnıkatsııa arnalary arqyly ǵana jarııalanady, - delingen habarlamada.
Eske sala keteıik, buǵan deıin fýtboldan Qazaqstan quramasy syrt alańda ótkizgen joldastyq kezdesýde Armenııamen teń túskenin habarlaǵanbyz.
