Ulttyq qurama Álem Kýbogynyń alǵashqy kúni fınalǵa joldama aldy

ASTANA. KAZINFORM – Búgin Ázerbaıjan astanasy Bakýde nysyna kózdeýden Álem Kýbogy bastaldy.

Sportty damytý dırektsııasynyń baspasóz qyzmeti málim etkendeı, jarystyń alǵashqy kúni irikteý nátıjesinde (10 metr, tapansha) Qazaqstan-2 quramasy jaqsy nátıje kórsetip, fınalǵa joldama aldy. 

Eldar Imankýlov pen Valerııa Popelova juby saıys kezinde 578 upaı jınap, ekinshi orynǵa taban tiredi. 

Endi, erteń olar Túrkııa quramasynyń mergenderi Sımal Iylmaz jáne Ismaıl Kelespen altyn júldeni sarapqa salady.

Osy baǵdarlamada synǵa túsken Qazaqstan-1 komandasynyń (Valerıı Rahımjan men Irına ıÝnýsmetova) medal úshin talasýyna sál jetpeı qaldy (6-oryn). Valerıı men Irına dýeti Qytaı-2 jáne Ýkraına-1 komandasy sııaqty 577 ball alǵanymen, nysananyń ortasyn dál kózdeý jaǵynan qarsylasqa ese jibergen.

Aıta keteıik, bul kezeń myltyq jáne tapansha ustaǵan mergender úshin lıtsenzııalyq, al stend atý sheberleri úshin Olımpıada reıtınginde upaı berilmeıtin jarys sanalady. Bakýde el namysyn barlyǵy 21 sportshy qorǵap jatyr.

Jalpy 84 memleketten 699 sportshy ózara myqtyny anyqtaýda.