Ulttyq kitaphanaǵa keletin jastar sany artyp keledi - Joldaý
ASTANA. KAZINFORM - Almatyda Qazaqstan Respýblıkasynyń Mádenıet jáne aqparat mınıstri Arman Qyryqbaev shyǵarmashylyq zııaly qaýym ókilderimen jáne jastarmen kezdesti, - dep habarlaıdy QR Mádenıet jáne aqparat mınıstrliginiń baspasóz qyzmeti.
Jıynda Memleket basshysy Joldaýynyń negizgi baǵyttary, ulttyq mádenıetti damytý, ádebıetti qoldaý jáne zerdeli ult qalyptastyrý máseleleri talqylandy.
Kezdesýge mádenıet jáne óner qaıratkerleri, jas qalamgerler men kreatıvti ındýstrııa ókilderi qatysty.
Joldaýda aıqyndalǵan mindetter jáne tsıfrlandyrý múmkindikteri
Mınıstr Memleket basshysynyń Joldaýynda aıqyndalǵan mindetterge toqtalyp, olardy iske asyrýda tsıfrlandyrýdyń jáne jastardyń belsendi qatysýynyń mańyzyn atap ótti.
-Memleket basshysynyń Joldaýy – elimizdiń aldaǵy damý baǵytyn aıqyndaıtyn mańyzdy strategııalyq qujat. Prezıdent Joldaýyndaǵy ıdeıalardy júzege asyrý mádenıet salasy men kreatıvti ındýstrııa ókilderiniń eńbegine, olardyń árqaısysynyń osy jumystaǵy óz rólin túsinýine tikeleı baılanysty. Tsıfrlandyrý men jasandy ıntellekt shyǵarmashylyqqa tyń múmkindikter ashyp, mádenı murany kópshilikke qoljetimdi ete túsedi. Bizdiń basty maqsatymyz – shyǵarmashylyq bastamalarǵa jol ashý, óner men ádebıetti halyqqa jaqyndatý jáne jas urpaqtyń jasampaz qýatyn el damýyna baǵyttaý, – dedi mınıstr.
Zerdeli ult qalyptastyrý
Memleket basshysynyń zerdeli ult qalyptastyrý jónindegi bastamasyn iske asyrýǵa erekshe nazar aýdaryldy. reading-nation.kz platformasynda 1,4 mıllıonnan astam qatysýshy tirkelgen. Olar 842 myńnan astam kitap oqyp, 50 myńnan astam beınepikir jarııalaǵan.
Qoǵamdyq qundylyqtar jáne ınfraqurylymdy damytý
Qatysýshylar Memleket basshysynyń 2027 jyldy Jalpyhalyqtyq aýqymdy qurylys jyly dep jarııalaý jónindegi bastamasyn da talqylady. Sondaı-aq áleýmettik jáne mádenı ınfraqurylymdy jańǵyrtý, jastarǵa arnalǵan zamanaýı keńistikter qurý máseleleri sóz boldy.
Ulttyq qundylyqtardy saqtaý men qoǵamdyq ádepti nyǵaıtý máselesine toqtalǵan mınıstr «Adal azamat», «Zań men tártip» jáne «Taza Qazaqstan» qaǵıdattarynyń mańyzyn atap ótti. Sondaı-aq ulttyq biregeılikti nyǵaıtýda, tarıhı mura men qazirgi Qazaqstannyń jasampazdyq áleýetin ádebıet pen ónerde beıneleýde shyǵarmashyl zııaly qaýymnyń róli zor ekenin aıtty.
Kezdesý ashyq pikir almasýǵa ulasty. Qatysýshylar mınıstrge suraqtaryn qoıyp, óz bastamalaryn usyndy jáne mádenıet pen ádebıettiń aldaǵy damý baǵyttaryn talqylady.
Ulttyq kitaphana tún ortasyna deıin jumys isteıdi
Kezdesý barysynda Arman Qyryqbaev Qazaqstan Respýblıkasynyń Ulttyq kitaphanasynyń qyzmetimen jáne oqyrman belsendiligi jónindegi derektermen de tanysty.
2026 jyldyń mamyr-qarasha aılarynda kitaphanaǵa 26 myńnan astam jańa oqyrman tirkelgen. Bul ótken jyldyń sáıkes kezeńimen salystyrǵanda 73,8 paıyzǵa kóp. 15-35 jas aralyǵyndaǵy oqyrmandar sany 33 paıyzǵa ósip, 24 myńnan asqan. Osy kezeńde oqyrmandarǵa 1,6 mıllıonnan astam qujat berilgen. Al onlaın qyzmetterdi paıdalanýshylar sany 13 paıyzǵa artyp, 932 myńnan asty.
Oqyrman belsendiliginiń artýy men kelýshilerdiń ótinishterin eskergen mınıstr Ulttyq kitaphananyń jumys ýaqytyn saǵat 24:00-ge deıin uzartý týraly sheshim qabyldanǵanyn habarlady. Jańa jumys kestesi stýdentterge, jumys isteıtin azamattarǵa jáne ózge de kelýshilerge keshki ýaqytta da kitaphana qoryn jáne qyzmetterin paıdalanýǵa múmkindik beredi.
Osyǵan deıin Joldaýdy iske asyrý jáne memlekettik tildiń mártebesin nyǵaıtý máseleleri talqylandy.