Ulttyq kitaphana tergeý ızolıatoryna 400-ge jýyq kitap syılady

ALMATY. KAZINFORM – Ulttyq kitaphana Almatydaǵy tergeý ızolıatoryna 400-ge jýyq kitap syılady.

Polıtsııa departamentiniń málimetinshe, Almaty jáne Jetisý oblystary boıynsha qylmystyq-atqarý júıesi departamentiniń №72 mekemesindegi tergeý tutqynyndaǵylar men sharýashylyq jasaqtaǵy sottalǵandar úshin kitaphana jumys isteıdi. Onda 6 myńnan astam kitap qory bar. 

Jýyrda Ulttyq kitaphana atalǵan tergeý ızolıatorynyń kitaphanasyna 400-ge jýyq qazaq tilinde basylǵan kitap tartý etti.

«Tergeý tutqynyndaǵylar men sottalǵandardyń qazaq tilindegi kitaptarǵa degen suranysy joǵary. Olar aldyn ala kerekti kitaptaryna tapsyrys beredi, sol boıynsha kitaphanashy kameralarǵa taratyp shyǵady. Al, sharýashylyq qyzmetindegi sottalǵandar kitaphanaǵa baryp oqıdy. Kitap oqý arqyly adam óz bilimin tolyqtyryp, ómirden óz ornyn tabýǵa tyrysady», - deıdi tárbıe bóliminiń bastyǵy Qadyrbek Turlybekov. 

Ulttyq kitaphana tartý etken kitaptardyń ishinde qazaq halqynyń ǵasyrlar boıy jınaǵan asyl murasy, tarıhy, mádenıeti, salt-sanasy, fılosofııasy, pedagogıkasy, óneri túgel qamtylǵan «Babalar sózi» jınaǵy da bar. 

Eske sala keteıik, buǵan deıin Almatyda birneshe kóshege tanymal tulǵalardyń esimderi beriletinin jazǵan edik.